كلمات اغنية اتخمينا لحمزة نمرة من ألبوم قرار شخصي” هي تجسيد مرير لخيبة الأمل في الناس. الأغنية بتغوص في شعور إنك “فرشت الأرض ورد” لناس مكانوش يستاهلوا خطوة واحدة عليها. هي لحن الدرس الصعب اللي بنتعلمه بعد ما نكتشف إننا اتعلقنا بحبال دايبة. اللي جاي هي الكلمات اللي بتوضح تفاصيل الخيبة دي.
كلمات اغنية اتخمينا – حمزة نمرة
ليه فرشنا الأرض ورد
وإحنا مش جايلنا حدّ
مولد وعلينا إتفضّ
وسابونا موجوعين
إتخدعنا من زمان
حتّى يشهد المكان
كلّ مرّة نقول رهان
وكلّ مرّة خسرانين
علّقنا زينة لولاد لذينة
غدروا بينا بعد الوجايب
نفس السّيناريو كلّه آذينا
نسحب ورق ونلبس في شايب
إحنا إتخمّينا وإتغشّينا في ناس بايعين بايعين
شكراً لغباءنا إتعلّقنا إحنا بحبال دايبين
ليه تعبنا وجيبنا فرش
ليه عزمنا ناس ماجاتش
الدّنيا إديتنا درس ياكش
نطلع متعلّمين
ومعلش يا قلبي خير
ده إحنا معلشناك كتير
في الجروح بقيت خبير
آه وتشهد السّنين
علّقنا زينة لولاد لذينة
سوّينا ليهم كلّ الهوايل
فتحنا بابنا للّي آذينا
عملوا فينا أسوأ عمايل
إحنا إتخمّينا وإتغشّينا في ناس بايعين بايعين
شكراً لغباءنا إتعلّقنا إحنا بحبال دايبين
أغنية اتخمينا – حمزة نمرة
Hamza Namira – Etkhammiena
كلمات: فليبينو
ألحان: حمزة نمرة
توزيع: عمرو الخضري
المزيد من أغاني حمزة نمرة
شيل الشيلة
شمس وهوا
عزيز عيني
كله على الله
قبلت التحدي