كلمات شيلة ارجع انت أداء محمد بن غرمان، بتوصف قلب مثقل بالهموم ما يلقى راحته إلا مع صوت الأذان وثبات الجبل اللي يشبه صبره. بتحكي عن شاعر يرجع له نبض الشعر وسط خراب الذكريات، وينادي حبيبه يرجع قبل ما يضيع ما تبقى من الغلا.
كلمات شيلة ارجع انت – محمد بن غرمان
ما يرد القلب عن هَمّه وعن سطوة جروحه
غير صبح يعتق قلوب الحيارى صوت أذانه
فالرحاب اللي تمد العزم للنفس الطموحة
كِنّي آخذ من معالم مجدها حلم ورزانة
الجبل مالي عيون الناس من شِدّة وضوحه
ما أخلفت فيه الرياح الهوج شي من اتزانه
في ذراه يغَنّي الشاعر طرب ويمِدّ شوحه
بين فكرة من مخيّلته وكلمة من لسانه
استعاد الروح من يوم استعاد الشعر روحه
من يشوفه يحسبِنّ الشعر واحد من إخوانه
البلا إنّه كل ما يبعد على البيدا شبوحه
ما يشوف إلّا رسوم أطلال من ماضي زمانه
العيون اللي من اللهفة مطالبها لحوحة
وِدّها تبكي ولا أدري من تبي تبكي عشانه
صاحبي ما مَرّ يوم إلّا ولك جَيّة وروحة
وش بقى غير الطيوف اللي لها قَدر ومكانة
كنت أقول إنّ المشاعر عنك توبتها نصوحة
وأثرها عمر ما يُعطى فيه عهد ولا ضمانة
الغلا في كل يوم يطيح صرح من صروحه
أدرِك اللي باقي من الحب قبل يفوت أوانه
لا تحَمّلك الخطايا هَمّ عذر ولا سموحة
ارجع أنت وكل شي فات يرجع في مكانه
شيلة ارجع انت – محمد بن غرمان
Erjaa Anta – Mohammed Bin Ghurman
كلمات: عبدالله السراهيد
الحان: محمد بن غرمان
توزيع: حازم الأبيض
المزيد من شيلات محمد بن غرمان
الله يسلط على الأشواق
ابتليتيني
تركتهم
العاصمة دارك
توافيق القدر