كلمات مهرجان انت هتيجي معايا غناء مصطفى الجن وهادي الصغير، بيتكلم عن الفرق بين الواقع والسوشيال ميديا. المهرجان بينتقد الناس اللي بتتباهى على مواقع التواصل وبتختفي في الواقع، وبيأكد إن العبرة بالأفعال مش الكلام. تعالوا نكتشف كلمات اغنية انت هتيجي معايا اللي بتكشف الفرق بين البطل الحقيقي والبطل اللي على الستوري بس.
كلمات مهرجان انت هتيجي معايا
إنت هتيجي معايا
يا أبو شفّة فراولاية
الستوري خطّرك
والواقع سنترك
ها، خلّي بالك أنا ما بنساش
بس أما يجي دورك ما تستخبّاش
المواقع هتقوّيك والواقع هينهيك
يا مساء العكننة
أنا جيت حدّ قال أنا
أنا مش ماشي من هنا
غير وسلاحي متزفّر
اللّي شيطانه يحدفه
وغلاوته لابستفه
يلّا إتداروا وإختفوا
أنا جاي عشان أعفّر
باجي بديك على عينك
وبكركب مصارينك
فينك مش شايفينك
ليه بتخلع في حضوري
بيشوفني يجيله مغص
ما هو من فترة إتقرص
رصيد رجولته ده نفد
فبيكرت في ستوري
أنا زيّ ما أنا في مكاني
وإنت عارف عنواني
ما فيهاش كاني ولا ماني
نفسك حاجة قولهالي
لو قلتلي موقعك
هنزلك أقطّعك
من خبطة هوقّعك
وهنشك بالآلي
دار السّلام دي الحمل
كسرة بنفس العول
إسمه يشرّف دول
يوسف إيهاب متصيّت
مين قدّك يا معادي
عادي كلّها عالعادي
الجوّ عصام بينادي
مين عايز يتخيّط؟
الستوري خطّرك
والواقع سنترك
كان لازم أعوّرك
ياض مش أنا اللّي أتجسّ
كلّه بطل في مواقع
ومفخّد في الواقع
أحلى حاجة إنّ الشّارع
كاشف طبيعة الهلس
إنت هتيجي معايا
يا أبو شفّة فراولاية
لأ مش حمل حكاية
مش مدّي على مهاجم
باجي بضرب بفتكر
وبقول مش هتشكر
هلفوت ولا تنذكر
لأ وعاملي ملاكم
اللّي إنت دافعلها
تيكيتات وحاجزلها
أنا منك خدتها
بمكالمة تليفون
ع الفاضي انت صرفت
لبس سهر وكرفت
ويا ريتك شرّفت
بوم دي بقى في الجون
أنا شغّال طلبات
مش شغّال سلعات
أنا غيرهم بالذّات
أنا مش جاي في شو
متعوّد ع الشّقى
إيدي منّه مشقّقة
والنّاس ليه مبحلقة
سيبوني يا خلق ياهو
يوسف إيهاب سيطرة
أخصامه متسنطرة
كلّه يجيب على ورا
اللّي هيجي هيموت
الجوّ عصام عمّها
ياض مش شايفلها
شوف نفسك عندها
خد جنب يا هلفوت
علي لوكا عمّ البلد
ولا يشغله يوم عدد
ضهرك يابا يتسند
قدّامه ما تكريتش
هنا تفتحوا في مطاوي
تتقطّعوا يا جراوي
ده أدهم العرباوي
سندال وما بيخافش
دي جي دربكة ده الفنّ
في مجاله نمبر وان
كلّه قصّاده إترنّ
وحش دار السّلام
مصطفى الجنّ الخطر
هادي الصّغير حضر
كلام تاكسلو ده مطر
توزيع الجوكر فوق
جبو إدارة الأعمال
غزالة والمصري تقال
حاتم وباندا يا خال
إحتلّينا السّوق
مهرجان انت هتيجي معايا
Enta Hateegi Ma3aya – Mostafa El Gen w Hadi El Sagheer
كلمات: تاكسلو
ألحان وتوزيع: أمجد الجوكر
غناء: مصطفى الجن وهادي الصغير