كلمات اغنية انسينى غناء علي لوكا وزاب ثروت، بتوصف الرفض لمحاولات الرجوع بعد الفراق، بتكشف عن وجع “الفريندزون” لما الحبيبة ترجع بس عشان تشكي همومها من شخص تاني كاسر قلبها، بتنقل صورة واقعية لدايرة الحب المفرغة اللي بتخلي الضحية تعيش نفس الوجع في علاقة تانية.
كلمات اغنية انسينى – علي لوكا وزاب ثروت
عَدّاني العيب عملت الصح من أجل عنيه
بنحت في الصخر فرشت دنيا ورود قوليلي ليه غيبتي
قولتيلي انساني ومشيت في صمت
ليه راجعة تاني ولا اتأثرت
مين قالك إن الكون بيدور عليكي أنتي
وانسيني وانسي بكرة تجيني
والله كان على عيني بس منفعكيش
وانسيني وانسي بكرة تجيني
والله كان على عيني بس منفعكيش
هو أنا ليه منستهاش
حاسس إني في متاهات
لا معاها أنا برتاح
من غيرها في نفس الحال
مصيري هنسى أنا لَمّا
تسيبي قلبي في حاله
تسيبي عاشق سهران
متجيش على باله
وانسيني وانسي بكرة تجيني
والله كان على عيني بس منفعكيش
وانسيني وانسي بكرة تجيني
والله كان على عيني بس منفعكيش
بتفوت كتير وتحاولي ترجعيلي
تفكريني باللي كان ما بينا وتتحاكيلي
وأنا العبيط كلمة مِنّك تغيّر اللي فيا
يا ترى بتضحكيلي ولا بتضحكي عليا
وأصَدّق أنا كل مرّة لحد لَمّا تجيني
قال إيه نفسك تحكيلي شوية تفضفضلي
وفي وشي تقوليلي ماحبنيش
عملت كل حاجة وبردو مشفنيش
موجوعة منه أيوة بس أنا عايزاه
تنصحني وتشور عليا إزاي أبقى معاه
وكل مرّة نعيد الكَرّة تقولي أخ
أنا مش بلعبك بس بحبك زي أخ
وساعتها فهمت إن إنتي أنا في علاقة تانية
بتحبي حَدّ محبكيش ولو لثانية
مش عارفة تنسي أو تتحكمي فيه
قلبك جُوّا مِنّك بس مُلك ليه
وانسيني وانسي بكرة تجيني
والله كان على عيني بس منفعكيش
وانسيني وانسي بكرة تجيني
والله كان على عيني بس منفعكيش
اغنية انسينى – علي لوكا وزاب ثروت
ALI LOKA FT. ZAP THARWAT – ENSEENY
كلمات: علي لوكا وزاب ثروت
توزيع: دي جي لونزو
المزيد من أغاني علي لوكا
راحة البال لـ علي لوكا
عداني العيب لـ علي لوكا
ليلي طال لـ علي لوكا
عالفاضي لـ علي لوكا
مواويل لـ علي لوكا