كلمات اغنية إمبارح للفنان يزن السعيد، بتحكي عن واحد راجع بذاكرته لناس كانوا دنيته واختفوا فجأة. بيفتش في صور والهدايا القديمة وجوابات بخط الإيد. يسأل نفسه ليه مشيو وازاي نسيوه بعد ما صانهم. اغنية يزن السعيد إمبارح تسيب جواك وجع حنين ما بيهدأش.
كلمات اغنية إمبارح – يزن السعيد
إمبارح جيه في بالي حبايب
كانو هما الدنيا وراحوا بعيد
مش عارف عنهم أي جديد
وسابوني لوحدي بكام ذكرى
وجواب كاتبينه بخط الإيد
إمبارح جيه ف بالي حبايب
مش فاضل منهم غير صورة
وهدية قديمة ومكسورة
وسألت في نفسي إزاي مشيو
وكأني بحل في فزورة
إمبارح جيه في بالي حبايب
خذوا من قلبي وعمري سنين
موّتو قلبي لكن عايشين
ناس يمكن دلوقتي تشوفني
يمشوا يعملوا مش شايفين
إمبارح جيه في بالي حبايب
متخيلتش يوم ينسوني
ياما غَطّاهم رمش عيوني
كنت بخاف من النسمة عليهم
في الآخر راحو وفارقوني
إمبارح جيه في بالي حبايب
وَدّعوا قلبي وقالو نصيب
فجأة بقيت أنا حَدّ غريب
ناس حلفت بغلاوتي زمان
مهما هيحصل مش هتغيب
إمبارح جيه ف بالي حبايب
مشيو وراحو مع الأيام
كل وعودهم ليا كلام
قلبي الي استحمل علشانهم
فارقوه من غير حتى سلام
اغنية إمبارح – يزن السعيد
Embareh – Yazan Elsaeed
كلمات: محمود عليان
ألحان: عماد تاج
توزيع: عمر إسماعيل
المزيد من أغاني يزن السعيد
مش مهم لـ يزن السعيد
في بالي لـ يزن السعيد
حبيبنا – يزن السعيد
طال الغياب – يزن السعيد