كلمات مهرجان الزم معايا حدودك لعصام صاصا. بيتكلم عن واحد زهق من اللي حواليه وقرر يحط حدود للكل. هو بيوجه تحذير لأي حد بيفكر يتجاوز، وإن اللي هيعمل كده هيشوف منه معاملة مختلفة تماماً. ودي الكلمات مكتوبة وكاملة.
كلمات مهرجان الزم معايا حدودك – عصام صاصا
ما ترجعوش تلوموني
إنتوا اللّي حوّلتوني
زعلان عشان شفتوني
شوفة مش بتاعتي
والله ما هحلّكم
إلّا أمّا أصحّح لكم
في حقوق كتير عندكم
وهاخدها وقتي
بما أنّ كلّه اتجاحد
أنا هقسى وأصبح جاحد
أحاسبكم واحد واحد
ع المسطرة أمشّيكم
ولا حبّ ولا حنيّة
استقبلوا المرازيّة
ماهو لو ما شفتوش ليّا
إيه المشكلة هورّيكو
ما فيهاش لا كاني ولا ماني
ولحدّ كده عدّاني
قلت لكم وشّي التاني
والله ما هيعجبكم
كانت حلوة مسّختوها
إنتوا اللّي بوّختوها
بأمانة زوّدتّوها
شوفوا بإيه تجيبكو
يا ع الزمان ده وناسه
القلّة ناسي أساسه
بيساوي راسي براسه
إزاي يا خلق قولولي
على رجلي كنت بشيله
دلوقتي شادد حيله
أنا عندي ياما بديله
هيروح وهما يجولي
لا مش أصول يا زميل
واجب تردّ جميلي
واحد غيرك يدعيلي
على حسّي أنت بقيت
اللّي أنت برضك فيه
أنا كنت سبب فيه
ولا كنت تحلم بيه
جمّعلي يالّلي نسيت
إلزم معايا حدودك
يا أصفر لاهنهي وجودك
ولا جدّ جدّ جدودك
يعرف يعيشها عليّا
اعوجّ تاخد عدلتك
اظبط يالاه لأهلفتك
حوش اللّي على شفتك
واصحى لكلامي شويّة
اظبط يا خال ما ظبطش
ده أنت في جدع ما خبّطتش
معايا أنا ما تتحطّش
لا في مخّي تتسجّل
لابس لي ماسك رجولة
وهو وادّ هلهولة
أنا برضو فاهم الفولة
رزمن ياد استرجل
يا ابن انتحال شخصيّة
صدّقني فيها قضيّة
لو قابلتك دوريّة
كلابوش أوام في إيديك
مظبوط ع الساعة كام
اتغطّى لمّا تنام
أبيض عليك يا تمام
ربّنا يسترها عليك
الخيبة عارفة أصحابها
عندك يلّا مجرّبها
احسبها كده واضربها
هتقولي حصل أنا خايب
نظرتي فيك من الأوّل
قالت ده كان واتحوّل
كده حلو مش هنطوّل
مفيش عتاب ع العايب
مهرجان الزم معايا حدودك – عصام صاصا
Elzam Ma’aya Hodoudak – Essam Saasa
كلمات: مصطفي الجن
توزيع: كيمو الديب
المزيد من أغاني عصام صاصا
جرح ساده
احلى باي باي من غير ازاي
مش مهتم
قاعد أعد الدولارات
عنبر عنبره