كلمات اغنية المفروض للفنان المصري ليل المحمدي بتعبر عن حالة اكتئاب وضغط نفسي بيعيشها الفنان. ليل، بيحكي في الأغنية عن صراعه مع الحياة اليومية والشغل اللي مش بيسيب له وقت يشوف صحابه أو يحقق أحلامه. اغنية المفروض بتوضح مشاعر الإحباط والهموم اللي بتواجهه، وبتعكس واقع كتير من الشباب اللي بيحسوا إنهم مربوطين في ساقية الحياة.
كلمات اغنية المفروض ليل المحمدي
المفروض أفرح الفترة دي ب شبابي
ليه جايلي بدري أوي كده يا إكتئابي
مطحون ف شغلي وحتى مش بشوف صحابي
برضه صحابي مسالوش عني في غيابي
طب بجد الطريق ده آخره فين
قالو تشتغل تجمع مليمين
واديني شغال بس عشان أسد دين
حاسسني مربوط في ساقية وسجين
أيام من عمري بسرعه تفوت
من كتر الهم أنا شكلي هموت
علي طول مهموم علي طول مضغوط
أنا نفسي أفرحلي بجد يومين
معرفتش أحقق أحلامي
واللي إتمنيته ضاع قدامي
مقدرتش أقول كل كلامي
ما أنا هحكي لمين دول مش فاهمين
رضيت بالهم ومكانش بيا راضي
إتداس عليا م الحياه وقولت عادي
كل حاجه بنيتها إتهدت قصادي
كنت غلطان م البدايه ف حساباتي
كل ما أمشي في اتجاه بيبقي عكسي
الحياة ناوية تخليني مريض نفسي
اه خسرت كل حاجه حتي نفسي
خايف أبقي في النهاية دوري منسي
كلمات اغنية لو فاكر – ليل المحمدي
اغنية المفروض – ليل المحمدي
كلمات: ليل المحمدي وصابر ڤان بيرسي
الحان: ليل المحمدي
توزيع: صابر ڤان بيرسي