كلمات اغنية الفرصة الأخيرة للفنان إبراهيم صبري بتوصف إحساس الفراق والخذلان بعد علاقة مليانة بالجروح والانكسارات. الأغنية بتجسد لحظة المواجهة بين القلب والعقل، حيث القرار بالرحيل بيكون أقوى من أي عاطفة. المشاعر في اغنية الفرصة الأخيرة مزيج من الحزن والقوة، وكأنها إعلان صريح عن التحرر من الألم والبدء من جديد بدون ندم.
كلمات اغنية الفرصة الأخيرة إبراهيم صبري
ازاي العشرة عليك بتهون وقلبك قدر
وكمان بتفكّر اني ضعيف وسهل انكسر
طيبتي بتقوّيك عليّا.. لا تمام حاضر عنيّا
كل يوم هتشوف أسيا بس عايزك تنتظر
أحلى كلمة حسبي ربّي عبّرت ع المستخبي
واللي يوم باعك يا قلبي هو أصلا فيك خسر
بيّاع وف جرحي بتتهنّى
وفاكرني هصبر واستنّى
منتاش ملاك ومن الجنّة ولا مستحيل
لا ده انت متاح وكتير منك
أكبر وأصغر وف سنّك
مصلحتي إنّي أبعد عنك لمنك هشيل
غرقان ف مشاكلك وعيوبك وليك سكّتك
وعايزني أكفر ف ذنوبك وأشيل بلوتك
كتر ضغطك واندفاعك خلّى قلبي برخص باعك
م النهارده أنا مش بتاعك انت عارف غلطتك
يعني فضينا أي سيرة ضاعت الفرصة الأخيرة
الحياة فيها ناس كتيرة تنسى قلبي قسوتك
اغنية الفرصة الأخيرة – إبراهيم صبري
Ibrahim Sabry – Elforsa Elakhera
كلمات: حوده ناصر
الحان: مصطفي سليمان
توزيع: طارق عبد الجابر