كلمات اغنية المكان لمروان موسى من ألبوم ماتادور، فيها ثقة بالنفس وطريقة كلام تلقائية توصل إحساسه من غير ما يشرح. الأغنية بتمشي في مزاج راب ساخر، مليانة تنقل بين مواقف وأفكار بحس عالي بالحضور. مارو بيكلمك كأنه في دماغه، وكل جملة بتقلب الجو، من بيرقص بالكلام لحد ما يوصل “للمكان” بطريقته الخاصة.
كلمات اغنية المكان – مروان موسى
هغنّيلك التّراك اللّي بتحبّه
قولت أمسّي ع الشّباب إيه يا شقو
يابني لسّه زيّ ما أنا ليه بتفتّوا
في الضّهر كلّها بتنمّ أنا قافشكوا
بقيت في حتّة حلوة بقيت في حتّة رايقة
بيحاولوا يرازوا فيّا عمر ما جت بفايدة
أعصابي في الإسكيمو محفظتي عيش فينو
بوزّع كذا كيلو انتو فاكرينها سايبة
انتو فاكرينها إيه
بصّ دوغري سكّة
خلّيك جميل ياض عشان أحبّك
تخرج عن النّصّ أضطرّ ألبّك
تضطرّنيش بقى عشان بعزّك
عيل كيوت هرموناته عالية
لسّه صغنطوط بيلعب كيلو بامية
كلّ أوراقي سارية طلباتي غالية
حفلة راس السّنة ف مسافر رومانيا
إيدي ناشفة رجلي تقييييلة
تحبّ نلعب على كام
بغيّر نفسي كلّ دقييييقة
من غير ما أتغيّر ع اللّي فات
كلّ ليلة أحلام حقيقة
بتجيلي إزّاي من غير ما أنام
مفيش لوكيشن ع الخريطة
برضه رايح ع المكان
وزّع
زيّع
صفّق
بيّع
دبّر
صيّع
فكّر
ضيّع
والوضع بقى مخلّ الصّراحة
كلّه مبهلل اصطباحة
كلّه مهلهل فيش فطاحل
إيه يا معلّم مش هانتصاحب
لا مش هاتكلّم لا مش هانتفاهم
البنت لاوية بوزها عملالي فيها هانم
أدّيتك من وقتي أكتر من اللّازم
هل لينا مستقبل أنا متشائم
ف دخلت من غير ما أسلّم
ولا سيب الفون في حضور المعلّم
أنا مالي التَنك طبيعي هاتنك
براحة يا نجم مالك متشنّج
يا عيني نفسه بسّ استحالة
مريض نفسي شوف يا دوك الحالة
قارن نفسي بيك إزّاي يا زبالة
ارحم مجالنا من أشكالك
باقولك إيه اسبقني على هناك
كليان أمباب كورتي هزّت الشّبّاك
يابني الموضوع مش خد وراب
الميكروفون مش أي حدّ ومش طالبة غباء
هغنّيلك الأغنية اللّي بتحبّيها
في المعادي مارو نجم الجيهة
مشتريات أنا مودّي بالفيزا
الكرت فضّي عشان دماغي شاريها يالّلا أحنا فيها
إيدي ناشفة رجلي تقييييلة
تحبّ نلعب على كام
بغيّر نفسي كلّ دقييييقة
من غير ما أتغيّر ع اللّي فات
كلّ ليلة أحلام حقيقة
بتجيلي إزّاي من غير ما أنام
مفيش لوكيشن ع الخريطة
برضه رايح ع المكان
وزّع
زيّع
صفّق
بيّع
دبّر
صيّع
فكّر
ضيّع
اغنية المكان – مروان موسى
Marwan Moussa – el makaan
كلمات: مروان موسى
ألحان: مروان موسى
توزيع: مروان موسى
المزيد من أغاني مروان موسى
شكلك مجنونة
فاكر بس ناسي
مكان في قلبك
مطروش
لابوبو