كلمات اغنية الحب بيأذيني لحسين من ألبوم المقابلة بتوصف وجع واحد حب بصدق واتصدم في النهاية، وبيحكي عن خيبة الأمل بعد الخيانة والجرح اللي سابه الحب جواه. الأغنية حزينة وصريحة، وكل كلمة فيها بتعبر عن إحساس الفراق والندم. لو بتدور على كلمات الحب بيأذيني كاملة ومكتوبة، هتلاقيها هنا وتعيش معاها كل لحظة وجع.
كلمات اغنية الحب بيأذيني – حسين
أنا مشيت ورا قلبي وحبّيتك وندمت
صدّقتك وعشان صدقت اتألمت
دلوقتي أنا عايزك تنسيني
انت ضحكتي عليّا وخُنتيني
صلّحتك وانت كسّرتيني
أنا الحبّ بجدّ بيأذيني
أنا بضغط وبحاول أنساكي
وصورنا في مخّي مسحتهم
هعتبر اللّي أنا عيشته معاكي
كام ذكرة وهخلّص منهم
كان اسمك في موبايلي حياتي
وغيّرته لكلمة متردّش
ميّزتك عن كلّ الباقي
وطلعتي زيّك زيّهم
أنا فضلت بحاول
وحاربت الدّنيا عشان خاطرك
ولحدّ الآخر
مع قلبي فضلت أتوسّطلك
كان عمري عشانك
ومكانش كفاية ومن فضلك
قبل ما هنساكي
كان نفسي وبس أوصّلك
أنا مشيت ورا قلبي وحبّيتك وندمت
صدّقتك وعشان صدقت اتألمت
دلوقتي أنا عايزك تنسيني
انت ضحكتي عليّا وخُنتيني
صلّحتك وانت كسّرتيني
أنا الحبّ بجدّ بيأذيني
مصدوم من الوجع اللّي أنا بقيت فيه
والجرح اللّي في قلبي مش عارف أخبّيه
خدتيني مبسوط وسيبتيني حزين
وراحت معاكي الأيّام والسّنين
كان كلّ اللّي في بالي إنّي معاكي وهكون لك
ومكنتش جاهز للمفاجأة
ساعات ببقى عايز أقولك إنّك شوفتي
نسخة منّي محدّش شافها
أنا مشيت ورا قلبي وحبّيتك وندمت
صدّقتك وعشان صدقت اتألمت
دلوقتي أنا عايزك تنسيني
انت ضحكتي عليّا وخُنتيني
صلّحتك وانت كسّرتيني
أنا الحبّ بجدّ بيأذيني
اغنية الحب بيأذيني – حسين
HUSAYN – El Hob Bey2zini
كلمات: حسين
توزيع: آرش