كلمات اغنية الاحتياج وحش من ألبوم “لينا معاد” للفنان تامر حسني بتحكي بصراحة عن معاناة القلب اللي بيدور على الحب في زمن صعب. كلمات الأغنية بتوصف بأسلوب واقعي إزاي الاحتياج العاطفي بيخلي الإنسان يدخل في علاقات متسرعة وينجرح، وبتشبه الناس بالـ “أوبن بوفيه” اللي فيه الحلو والمر. تعالوا نقرأ كلمات “الاحتياج وحش” مكتوبة وكاملة اللي عبرت عن واقع مؤلم بيعيشه ناس كتير.
كلمات اغنية الاحتياج وحش تامر حسني
الاحتياج وحش والذّكريات أشباح
معشّشة في نفوخنا
خايفين نحبّ جديد
وملصّمين شروخنا
لفّينا ساقيتك ياحبّ لغاية لمّا دوّخنا
داخلين بحاجة ساقعة
خارجين بعلقة سخنة
النّاس OPEN BUFFET
عايز تلمّ منّه لمّ
في صنف يكون زيّ العسل
وصنف تاني سمّ
الرّك على النّقاوة
كلّ أمّا أقول فرجت
خلاص هتهنّى وهستجمّ
أخد حتت شالوت في وشي
ما بقولش بمّ
بمنتهى الغباوة
الاحتياج وحش
إرحمني يا احتياجي
مش كلّ مرّة تنده
أتشكّ في قلبي وأجي
أنت بتحفر لي الحفرة
وبقع فيها بمزاجي
لا عملت حساب طلوعي
ولا حتّى حساب علاجي
قلبك مربوط في ساقية
ومتغمّي وعمّال يلفّ
لازم النّهاية تبقى جرح
وما بيرضاش يخفّ
لازمله حدث درامي
الوحدة خانقة بتجبر
الواحد يروح يحبّ
فيروح الحبّ نازل
فوق دماغه دبّ دبّ
كأنّه مسك حرامي
النّاس OPEN BUFFET
عايز تلمّ منّه لمّ
في صنف يكون زيّ العسل
وصنف تاني سمّ
الرّك على النّقاوة
كلّ أمّا أقول فرجت
خلاص هتهنّى وهستجمّ
أخد حتت شالوت في وشي
ما بقولش بمّ
بمنتهى الغباوة
اغنية الاحتياج وحش – تامر حسني
Tamer Hosny – El Ehteyag Wehesh
كلمات: محمد القاياتي
الحان: بلال سرور
توزيع: علي فتح الله
المزيد من أغاني تامر حسني
الذوق العالي
حبك لو غلطة
لينا معاد
قلودة
حلال فيك