كلمات اغنية الدليل شنو غناء ندى القلعة، تكشف تمسكها بحبيبها ودفاعها عن صدق حبها، إذ تستغرب شكه وتؤكد أنه وحده من طمأن قلبها، ثم تعترف بغيرتها وحاجتها لقربه، وتصل إلى رغبة واضحة في إعلان حبها والعيش معه مهما صار.
كلمات اغنية الدليل شنو – ندى القلعة
ما حبِّيتك نان حبِّيت منو
لو غشيتك الدليل شنو
من لقيتك اتمنيت أنا
قلبي تايه وانت تطمنه
ولو أبيتك أنا اللوم عليا
ولو غشيتك تجي الزعله ليا
يا حبيبي أنا ونور عينيا
يا حياتي وكل الدنيا ديا
أي الغرامك أصله ما شويه
نارو قايده وجوه قلبي حيه
ويا البدورو متين العود والجيه
يا ضناي أشوفك بعينيا
تقوللي جاي يا هواي
يا سبب سهدي ده ويا مناي
يا شقاي يا هناي
ما كلام ساي
تقوللي جاي يا هواي
يا سبب سهدي ده ويا مناي
يا شقاي يا هناي
ما كلام ساي
ولي معك ثلاث سنين وحبه
وانت شاكي حبي ليك حبه
وقلبي بيك ملان محبه وريده
وبهواك ومحبتك معبى
المحبه أصله ما بتتخبى
ولو اتخبت ما بتكون محبه
ودايره أعلن حبي ليك للعالم
قلبي غيرك لا بحب لا حبه
يا سماي يا ضياي
يا سبب بسمتي ويا غناي
يا غلاي وابتلاي
يا سبب زعلتي ويا رضاي
يا سماي يا ضياي
يا سبب بسمتي وسر غناي
يا غلاي وابتلاي
يا سبب زعلتي ويا رضاي
حابه غيرتك يا حبيبي زيده
أنا دايره الغيرة الشديدة
العلاقة الما فيها غيرة
لا بدوره أنا ولا بريده
انت مغلغل وأنا هنا سعيده
أنا الكية بحبذه وبجيده
وفي النهاية انت سيد هوايا
ودنيتي براك انت سيده
يا بكاي وارتضاي
يا سبب دمعتي ويا دواي
ولو معاي وبس كفاي
وبرمي كل الدنيا بوراي
يا بكاي وارتضاي
يا سبب دمعتي ويا دواي
ولو معاي وبس كفاي
وبرمي كل الدنيا بوراي
اغنية الدليل شنو – ندى القلعة
El Daleel Shinu | Nada Algalaa
كلمات: أمجد حمزه
الحان وتوزيع: أحمد أمين