مهرجان إحنا ولاد الشمس أداء عصام صاصا من مسلسل ولاد الشمس بيوصف روح التكاتف والوفاء بين الإخوة. كلماته تحمل معاني الشجاعة والعزة، وتؤكد أن قوتهم الحقيقية في وقوفهم جنب بعض دائمًا. الأغنية مليانة حماس، وتعكس صراعات الحياة. اغنية إحنا ولاد الشمس لعصام صاصا تلهمك بأن القوة الحقيقية في الاتحاد والتضحية من أجل بعضنا.
كلمات مهرجان إحنا ولاد الشمس لـ عصام صاصا
إحنا أولاد الشمس
أولاد الشمس
إحنا أولاد الشمس
الشمس الشمس
الدنيا معانا مش على ما يرام
بس إحنا ما مشيناش في الحرام
السيرة الحلوة والإحترام
هيّ اللي دايمة بعد الرحيل
قدّ الدنيا بعون الله
مهما نعيش ونشوف معاناة
هاتي يا دنيا إيه تاني شايلاه
لسّه بصحّتنا نفسنا طويل
إحنا أولاد الشمس
واللي يجي علينا ما يسلمش
إحنا بنخوّف يابا ما نخافش
سدّادين ونسدّ عين الشمس
أسامينا بتشرّف
دخلتنا لوحدها دي بتخطّف
جرّب حظّك ياض لو تعرف
وإحنا هندّيك في الأكشن درس
إحنا إخوات ونموت على بعض
ويا ويله اللي معانا يتحطّ
وزيّ ما إنت شايف بالظبط
ما حدّش يقدر يتحدّانا
إحنا نفدّي بعضنا بروحنا
شرّفنا أيّ مكان فيه روحنا
إحنا الفلوس ما كانتش طموحنا
أولاد أصول وعينينا مليانة
أكلة ونومة واحدة إيدينا واحدة
قلوبنا يا ناس جامدة
إحنا مش بنكنّ ولا بنهدا
إلّا لمّا نجيب حقّنا
قوّتنا في العزوة
حتّى لو دنيتنا دي مش حلوة
جنب بعض في خير ولّا في بلوة
المهمّ نكون مع بعضنا
أيّ نعم إحنا مش رجال أعمال
بس عمايلنا أعمال رجال
وفي ضهر بعض على أيّ حال
كلّ اللي شاف عزوتنا دي خاف
ربّك ساترها عشان سالكين
عشان إحنا من جوّانا صافيين
بنشوف ندالة من البني آدمين
بس إحنا زيّ ما إحنا نضاف
الشدّة بتشدّ
بس برضّه إحنا أسود بنسدّ
ده إحنا لو خدنا الموضوع عند
مش هتخلّص ويّانا بالساهل
صابرين على الصبر
طيّبين في زمان مليان شرّ
جوّة غابة وما فيش فيها مفرّ
بس لو هنخاف إحنا هنتاكل
لا نعيشها ونعيش فيها عيشة فلّ
لا إمّا هنموت إحنا الكلّ
في الدنيا شفنا الويل والذلّ
بس إحنا زيّ ما إحنا وثابتين
على وضعنا ما تغيّرناش
لو كلّه خاب إحنا ما خيّبناش
في ضهر بعض وما جلّيناش
زيّ ما ترسى والله المعين
إخوات وع العهد
جنب بعض ما يشغلناش حد
أيّ حد قصّادنا على القد
سدّادين ولا حد معانا سد
الهيبة بتهيّبنا
بختك إسود يا اللي هتلاعبنا
لينا بصمة وهيبة مهما غيّبنا
لو زعلنا نهدّها يابا هد
مهرجان إحنا ولاد الشمس – عصام صاصا
Ehna Wlad Al Shams – Essam Saasa
كلمات: محمود سوستا
توزيع: كيمو الديب
المزيد من أغاني عصام صاصا
كلمات مهرجان غيبنا وغاب الإبداع – عصام صاصا
كلمات مهرجان طب ليه مبيرنش تليفوني – عصام صاصا
كلمات مهرجان انفجار شامل – عصام صاصا
كلمات مهرجان انا خدت اقوى درس منكو – عصام صاصا
كلمات مهرجان واكلين المستهبلة – عصام صاصا