كلمات اغنية دراما لتامر عاشور من ألبوم ياه بتتكلم عن مشاعر الفراق والتحدي بعد انتهاء علاقة، وبتعبر عن الألم والاستعداد للتخلي، وبتمثل القوة اللي بتجي بعد ما الشخص يقرر يمشي ويسيب الذكريات ورا ظهره. رغم الألم، فيه أمل وحياة جديدة بعد كل نهاية. اليكم كلمات اغنية تامر عاشور دراما مكتوبة وكاملة.
كلمات اغنية دراما تامر عاشور
لمّا إنت مش فارق معاك أبعد كفاية
ونفضها وخلّصنا وبلاها الحكاية
ولا إنت مستكفتش من وجعي وأذايا
مستنّي ليه مستنّي ليه
لو يعني عايز تمشي إمشي مع السلامة
متشيلش همّ وروح ومتقلبهاش دراما
هتمشي زيّ ما جيت ومش هتسيب علامة
هتفرّق إيه هتفرّق إيه
هو إنت فاكر نفسك الدنيا وآخرها
دي حكاية خلّصت بكره تيجي حكاية غيرها
لسّه الحياة مليانة ناس مخلّصش خيرها
هعيشلها وأنساك إيه يعني هيحصل إيه
أنا مش هوقّف يوم حياتي عليك وعادي
فيومين تلاته هتبقى بالنسبالي ماضي
هملى المكان اللي إنت روحت وسبته فاضي
مين يعني غاب والدنيا وقفت يوم عليه
أنا كنت بس عليك لآخر لحظة باقي
وبقول لنفسي كتير اللي بيصبر يلاقي
بس إنت عادي طلعت سهل عليك فراقي
هو إنت إيه هو إنت إيه
دلوقتي روح مبقتش فارقة كتير معايا
خلّصت حكايتك هرمي كل ماضيك ورايا
وأنا غلطتي أن أنا كنت طيّب م البداية
معرفش ليه معرفش ليه
هو إنت فاكر نفسك الدنيا وآخرها
دي حكاية خلّصت بكره تيجي حكاية غيرها
لسّه الحياة مليانة ناس مخلّصش خيرها
هعيشلها وأنساك إيه يعني هيحصل إيه
أنا مش هوقّف يوم حياتي عليك وعادي
فيومين تلاته هتبقى بالنسبالي ماضي
هملى المكان اللي إنت روحت وسبته فاضي
مين يعني غاب والدنيا وقفت يوم عليه
اغنية دراما – تامر عاشور
Tamer Ashour – Drama
كلمات: عمر عبده علي
الحان: عمرو الشاذلي
توزيع: محمد ياسر
المزيد من أغاني تامر عاشور
كلمات اغنية حبيبي القديم – تامر عاشور
كلمات اغنية يوم ماتنسى – تامر عاشور
كلمات اغنية ياه – تامر عاشور
كلمات اغنية وداع وداع – تامر عاشور
كلمات اغنية عديت – تامر عاشور