كلمات مهرجان قاعد أعد الدولارات لعصام صاصا بيقدم ستايل مختلف من المهرجانات. عصام صاصا بيتكلم بثقة عن نجاحه وفلوسه، وبيرد على اللي بيتكلموا عليه. المهرجان مليان تريقة على المنافسين، وبيستخدم كلمات جديدة وتشبيهات من الشارع، وبينتهي بتحية لصحابه في المهرجانات زي كيمو الديب وكاستلو.
كلمات مهرجان قاعد أعد الدولارات
متعَبّي بهيليوم زي القنبلة
وآخرك هتِفرّقع
وِسعت وإنتَ معرّضها
ماهو مهما جراوي هتعوي
دي على إيدي بالكُرباج تتلسوع
ماهو مش بالجسم يا هَلف
يا عم البَلف ده آخرك هَوا
بتقول في غازات يا منافس
إنت تنفذ طب خُد دوا
اسم الله عليك كلامنچي
المتحدث ده حلَنجِي
هنا جيت مع واد أكشنجي
فيالا وفُكّك من الصوصوة
ما شاء الله أهو كِبر الجحش
طب خُد عَدلك ما تتنحش
النظرات دي معايا ما تاكُلش
فُكّك كَرف أنا ما بكَرفش
بعد ما كُلّه طبَق سيريلاك
قام فعّل وضع الـ Attack
فُكّك رغِي بَقا يا لَكاك
مش مظبوطة ولا جاية معاك
متعَبّي بهيليوم زي القنبلة
وآخرك هتِفرّقع
علشان فعلك في لسانك
آخرك بس يا عم تجَعرع
رغيكوا مش بيصدّعني
ما أنا بيكوا مش مستَعنّي
ماهو مهما جراوي هتعوي
دي على إيدي بالكُرباج تتلسوع
إرجع وأنا هستنّاك
جي طالبني أنا جي معاك
عيني كارفاك إيدي أنا جايباك
والراجل اللي يكمّل جَولة
أنا وزمايلي ما بنجلوش
وإنت زمايلَك خَلَعوا ما جوش
رنّيت وعليك أهو ما ردّوش
يبقى كفوفنا على قفاك أَولى
خلّي النَظرات على قدّك
حتّى ولو لابس نَضارة
علشان جايب اتنين منّك
بس رجالي من توكيل زارا
وِسعت وإنت معرّضها
كِشكِشها معايا وظَبطها
أشكالك أنا بَخرطها
بنُص ليمونة مع نُص خيارة
سلّملي ع السنيورة
قصدي الأوزعة القَمورة
خلّيها بقى تِمسح رقمي
وتفرمت أيها صورة
بالخوازيق بتعشيك
وإنت بتبصم ع الشيك
فرع القَرنية هيفتح
على حسّك بقى كده خليك
طوب الأرض اشتكى منّك
وأنا مش نانسي هطبطب أَدلع
مقمُوص وعاملي خطيبتي
ومادِد بُوزك عادي ما تولّع
هو إنت فاكرني فاضيلك
ولا عارف أعيش من غيرك
فوق من وَهمك وخَيالك
عيش في الواقع بقى لو ينفع
قاعد أعدّ الدولارات
ما أنا مش فاضي للحوارات
أنا عايز أعمل كام أرنَب
ما أنا أصلي ورايا أقساط
أمّا إنتوا بقيتوا فاضيين
وفي سيرة الناس جايبين
في فُلان ابن أُم فُلان
ويا الشاي بالياسمين
أهلاً بصحابي العِرّة
أنا آسف على فرق الطبقات
شكلي اتأخرت عليكوا
وعليّا إيه بتقولوا حوارات
ده شَتمني قبل أما يبوسني
وأما أنا باجي يتمَحلِّسلي
طب إمتى هتِسلك يا ابني
وهتفكّك بقى من الحكايات
أنا نَمبَر وان الجيل
أصلي تقيل على أي تقيل
بشهادة كُل الناس
غيري صَعب تلاقوا بديل
روحوا شوفوا شغلانة غير دِيا
ده اللي بيقَع ما له دِية
قلبي ده مش قلب الأم
أنا قلبي شَطّب الحَنية
صَاصا الكَروان ده خَتمها
خلاص قَفلها وكُلّه يروَّح
كيمو الديب راكن كُلّه
وكُلّه ده جنبه قاعد ومتنَّح
ماتادُور بكلامه ولحنه
أمّا الباقي بيتدفنوا
كاستلو كتب كلماته
وقَلَمه ده مسنون وبيِدبح
معاذ وليد ده إدارة
ويا أبو طه دول عاملين غارة
الحرب خلاص هتقوم
لكن واقفة على إشارة
ده وُحوش الميديا الأصلي
جايين بجديد مع حَصري
شريف غزالة كوماندا
والبابا مصطفى المصري
مهرجان قاعد أعد الدولارات
Dolarat – Essam Sasa
كلمات: كاستلو
توزيع: كيمو الديب
المزيد من أغاني عصام صاصا
عنبر عنبره
هل ستراني صديق
سجن الدنيا يهد
أنا شاب شكله بقا أكبر من سنو
أنا صوتي شعار ع الساوند