اغنية دكتور اكتبلي روشتة لمحمود محرم بيحكي عن خيبة الأمل في الصحاب والحبايب اللي خذلوا، لكن بأسلوب ساخر وشعبي يخلي الكلام خفيف على القلب. الأغنية بتوصف الإحساس بالهم والحزن اللي ماسك في الواحد، وبرضه فيها كلام عن الأمل والتغيير.
كلمات اغنية دكتور اكتبلي روشتة محمود محرم
دكتور اكتبلي روشتة
ده الهمّ ماسك ف الجتّة
صحوبتي طلعت ع البايظ
وقالولي باي باي في الشدّة
نفسيّا بقت عالزيرور
والحزن سايب تأثيرو
باين علي وشي معجز
أيّام فرحي أنا بيطيرو
ماشي يا دنيا يا عنديّة
العبي علي كيفك بيّا
من بكرة خلاص هتغيّر
مفيش حنيّة no love
إيه ياعم الحظّ اسمعني
اديني حبّة ودلّعني
تعالى من الأحزان خدني
وإيّاك تاني ترجّعني
روّقني كده وفرفشني
اديني فلوس نعنشني
ماتوصّي الدنيا عليّا
خلّيها كده تعيّشني
ركّبني اللامبورجيني
وعلي اللي ملديف ودّيني
مسّكني الآيفون نفسي
أرتّح من فوني الصّيني
أنا عايز أعيش في الفيلّا
نسهر سوا أنا والشلّة
نعمل حفلات صباحي
وهنطلب عشاء من برّا
كلّ اللي احتجتو وجلي
هعمل وياه القلّة
الدنيا دي أوضة وصالة
والحوجة دي فعلا مرّة
سبتوني وأنا مضايق
مش تبقوا معايا وأنا رايق
أيّام العزّ أهي جاية
هحرق دمكو وأتعايق
واللي منّي أنا زعلان
البحر ياباشا مليان
يشرب ع قدّ ما يقدر
لا يشرب حبّة كمان
لمواخذة اللي يقدّرنا هلّا بيه يانوّرنا
أمّا اللي رافع مناخيرو مش ناقصة ده هيأخّرنا
بالحبّ هتاخد عيني في الزنقة معاك تلقيني
لكن لو شغل أونطة أنا آسف بقى وأعفيني
العشرة خلاص وفنّيتو
والعيش والملح رميتو
أنا يامّا عملت الخير
وأنتو بالغدر بديتو
دكتور اكتبلي روشتة
ده الهمّ ماسك ف الجتّة
صحوبتي طلعت ع البايظ
وقالولي باي باي في الشدّة
والحلوة أمّ عيون خضرة
ظلمتني وطلعت قادرة
دأنا كنت بقول مستورد
ولقيتها سجارة كليبوترة
اغنية دكتور اكتبلي روشتة – محمود محرم
Doctor Ektibli Roshta – Mahmoud Moharem
كلمات: حماقي
الحان: محمود محرم
توزيع: بطه الجنتل
المزيد من أغاني محمود محرم
كلمات اغنية مش فارقه تعشقني – محمود محرم
كلمات اغنية الغربة كربة – محمود محرم
كلمات اغنية ابن مصر قد التحدي – محمود محرم