كلمات اغنية ضحكة للفنان ميزو، بتوصف حالة الانبهار بجمال بنت سحرت القلب بضحكتها وغمازاتها. الأغنية عبارة عن وعد بالحب والحماية والاستعداد لمحاربة الكل عشان يوصل لقلبها، وبتحكي عن أحلام اللمة وكزدورة شوارع الشام وقت المطر، حالة مليانة غزل وشهامة بتخلي الروح تميل مع كل كلمة ودقة.
كلمات اغنية ضحكة – موزو
من أوّل ما شفتا
عملت بقلبي حالة
يقبرني لون عيونا
يا عمري ما أحلاها
الضحكة عَ تما مرسومة
يا ويلي بنت مزيونة
هيدي بنتك يا خالة
تزيد عليّ دلالا
جاية عليّ منشانك
كون أب أنا لـ ولادك
تحطّي همّك عَ كتفي
ونكبر إحنا سوا
شو ما تريدي يحضرلّك
عمام وخوال جايبلك
بدفع الدم والمال
لتكوني بحضني أنا
وإن ما عطوني ياكي
جاية أنا بعتادي
بضهري عشيرة صحابي
كرمالك الحيّ بعادي
بحارب أنا لعيونك
لا تغيبي عنّي بلومك
لأنّو غيابك عنّي
لا والله مو عادي
عيونها عيونها
كحيلية مزيونة
الحمرا عَ شفافها بتغلّ
سمرا صغيرونة
حلاها مغطّي عَ الكل
خصرا ميّال وبشلّ
والزايد كل هالحسن
ضحكة وغمازة
أخدني خطفني ليها
خصرها هالميّال
وطني وأنا ساكن فيها
بأرضها صرت خيال
خدي القلب إلك فدا
قبلك ما زاره ولا حدا
امشي على قلبي عَ الهدا
وتمايلي وتمايلي
يلا نمشي بلاد ونزورها
إيدي بإيدك ناخد كزدورة
بحارات الشام وشوارعها
تشتي الدني وما تهدى
تغفي عَ كتفي وتنامي
دفيكي بقلبي وحضاني
عيونها عيونها
كحيلية مزيونة
الحمرا عَ شفافها بتغلّ
سمرا صغيرونة
حلاها مغطّي عَ الكل
خصرا ميّال وبشلّ
والزايد كل هاد الحسن
ضحكة وغمازة
اغنية ضحكة – موزو
Muzo – Dehke
كلمات: موزو
ألحان: موزو
توزيع: جي لوف