كلمات اغنية دورت على الحب للفنان مصطفي النسر بتعبر عن وجع القلب والخيبة من الناس اللي كانوا قريبين منه. مصطفي النسر بيحكي عن صدماته وخيبات أمله وإزاي المواقف الصعبة غيرته. اغنية دورت على الحب بتلمس كل واحد مر بتجربة مشابهة وبتوضح إزاي الإنسان ممكن يتغير بسبب اللي شافه. مصطفي بيغني بصراحة وبأسلوبه الخاص وده اللي بيخلي كلامه يوصل للناس.
كلمات اغنية دورت على الحب مصطفي النسر
دُورت على الحب مش بلاقي
وطِلعوا اللي مني هُما أعدائي
فـ اتغيرت عن الأول
وبقيت حد أنا مش عارفه نهائي
حد على الناس مبقاش باقي
كنت طيب من غبائي
إديت أمان لناس متستاهلش
وكانوا بيزودولي في أعبائي
طب قولي مين متغيرش
اللي عملته ليهم مطمرش
وأنا في الحزن مفيش حد
وأما أفرح مليون فرد
الناس موهوبة أوي في الشر
وأنا حظي إداني مليون طرد
ولما رجعت واقف على رجلي
جم جري أكن فيه عرض
وبقت مشاعري متكركبة
سيبت قلبي على مركبة
وبقيت بعيش لنفسي بجد
مش شرط أعجبك ولا أعجبك
الناس مش هتتقبل عيبك
إلا لو شخللت جيبك
وإنسي بجد لو إنتا في غيبة
تلاقي حد منهم عند بيتك
وأنا حالتي مش تمام من زمن
بس بجد دفعت التمن
مبقتش أكلم غير السما
والاكتئاب كان زي العمى
عمر ما الحب جاب يوم أمل
والخلق وحشة لا تأتمن
مبقتش فاهم إيه العمل
ما العيشة مرة ولا تُحتمل
غدركوا خلاني مبثقش
الحظ معايا ليه مبيصبش
أنا كنت كويس مع كله
والناس عايزيني متبسطش
فيه إخوات بجد أنا معتقدش
دُورت كتير ملقتش
كلها بقت تجري عالقرش
ومفيش كلام في ضهري موصلش
أنا خدت الصدمات متتالية
وخسرت ناس كانت غالية
وعرفت بعدهم ناس تانية
نفس الأسطوانة كانت سارية
بصيت حواليا ثانية
وملقتش بجد خلق شارية
عرفت أصحاب من الكيف مش دارية
فـ هكون لوحدي أريح
أنا مش مجبور علي حد أصلاً
بعرف أكسب وأعرف أخسر
وعاملتك يا صاحبي أنا بأصلي
وإنتا معملتش بأصلك
مش مستني لسه أفَسّر
وأفهم قصدي ولا قصدك
في الكلام مضطر أقصر
ما العشم الزيادة بيخسر
دُورت على الحب مش بلاقي
وطِلعوا اللي مني هُما أعدائي
فـ اتغيرت عن الأول
وبقيت حد أنا مش عارفه نهائي
حد على الناس مبقاش باقي
كنت طيب من غبائي
إديت أمان لناس متستاهلش
وكانوا بيزودولي في أعبائي
اغنية دورت على الحب – مصطفي النسر
كلمات وتوزيع: مصطفى النسر