كلمات اغنية تتر مسلسل درش غناء عبد الباسط حمودة وهو بطولة الفنان مصطفى شعبان، بتوصف حالة توهان وضياع لشخص مش عارف هو مين ولا رايح فين وسط ضغوط الدنيا، وتكشف عن صراع داخلي بين كلام الناس وحقيقته اللي تايهة منه، عشان يفضل يلف في دايرة مقفولة من التفكير والحيرة اللي بتقسمه ميت حتة.
كلمات اغنية تتر مسلسل درش – عبد الباسط حمودة
تعبت بجدّ من اللّي أنا فيه
وألف حكاية جوّايا
بقيت واحد ومشكوك فيه
بريء وتهمته جناية
متلغبط مش فاكر اسمي
مرفوض ولا أنا مطلوب رسمي
مدروش ولا مقضّيها
أنا تايه مش داري بنفسي
أيوه أنا اللّي مش عارفني
بس عايش والسلام
هو أنا آسف فلّاتي
ولا أنا دوغري وتمام
واللّي قال صافي وحنيّن
واللّي قال جاحد عنيد
واللّي قال ده أصله طيّب
نقطة وأبدأ من جديد
أوقات الفكر بيغلبني
والضحكة بتبعد وتسيبني
وبقيت متقسّم ميت حتّة
حتّى التفكير بقى يتعبني
سيقاني الأيام في حبالها
وبقف لمرايتي وبحكيلها
وبلف في دايرة ومقفولة
وادي الحدّوتة بتفاصيلها
طريق مفتوح لميت سكّة
يا ريت عارف واخدني لفين
بلف في زحمة الدنيا
ومش عارف طريقي منين
ومحطوط كلّ يوم في ضغوط
وناسي كلّ يوم عدّى
بقيت حاسس أكني بموت
يومين أغضب ويوم أهدى
آه أيوه أنا اللّي مش عارفني
بس عايش والسلام
هو أنا آسف فلّاتي
ولا أنا دوغري وتمام
واللّي قال صافي وحنيّن
واللّي قال جاحد عنيد
واللّي قال ده أصله طيّب
نقطة وأبدأ من جديد
أوقات الفكر بيغلبني
والضحكة بتبعد وتسيبني
وبقيت متقسّم ميت حتّة
حتّى التفكير بقى يتعبني
سيقاني الأيام في حبالها
وبقف لمرايتي وبحكيلها
وبلف في دايرة ومقفولة
وادي الحدّوتة بتفاصيلها
اغنية تتر مسلسل درش – عبد الباسط حمودة
Darsh – Abdel Basit Hamouda
كلمات: خالد سلطان
الحان: محمد جابر
توزيع: محمد جودة
المزيد من أغاني عبد الباسط حمودة
ليلة من اللي هيا لـ عبد الباسط حمودة
صاحبي – عبد الباسط حمودة
السهرة صباحي – عبد الباسط حمودة
احنا البلد – عبد الباسط حمودة
عفاريت مرسول – عبد الباسط حمودة