كلمات شيلة دق المنبه لخالد ال بريك فيها قوة وفخر، وكأنها تعبير عن الشجاعة والعزة بالنفس. الأغنية مليانة كلمات تعكس الاعتزاز والولاء، وتوصف الإصرار والتمسك بالمبادئ مهما كانت الظروف. اللحن يحمل إحساس الحماس والقوة، ويخلي المستمع يعيش الأجواء بكل تفاصيلها. اغنية دق المنبه فيها حالة تعبر عن الفخر والانتماء بأسلوب مميز.
كلمات شيلة دق المنبه خالد ال بريك
دقْ المنبّه وأذن المؤذّن لو القلب النّبيه
أحيان لا منّه غفى صحّاه نسناس الهواء
في جوف صدري قلب ذيبٍ فيه مدري ويش فيه
صوته يهزّ الحيد لا منّه قنب والّا عوى
صوت البنادق مايردّه عن مكانٍ منتويه
ضاري على صوت الرّصاص اليّا سرح ولّا ضوى
مثل ماتبطشبي همومي واعتزّي وأقول هَيْه
عندي ثقة وعزومي اْتورّدني لـ عد الرّوى
سريت ليلي فوق تيهي ذخر تيهيه وتيه
أمسيت في راس الهدا وأصبحت في وادي طوى
الشّوق مايقبل وش اللّي صار واللّي صار ليه
عسى النّوايا البيض ياصلها الشّجيع اليّا نوى
أمّا تجمّل بالكلام اللّي ماحد ينقد عليه
والّا ترى التّاريخ مايرحمك والرّاوي روى
اللّي تجمّل في رفيقه يرحم الله والديه
واللّي يجنّب عن رفيقه لو تلزّم به هوى
يكفيك عن وجه الرّبادي والمنافق والسّفيه
مطنوخ راسٍ لا نصيته يرفع الجنديّ لواء
الكفو سلمه سمّ وابشربي وهاك اللّي تبيه
فزعته في صعاب المواقف تعتبر مثل الدّواء
قال المثل من لايعرف الحرّ الاشقر يشتويه
والفرق ماهو فالجروم الفرق فرق المستوى
أقرب مثال لـ الادميّ لو طالع أصابع إيديه
إيديه تشبه بعضها وأصابعه ماهي سوا
حيّ الرّفيق اللّي بعلم الطّيب تندى راحتيه
من طيب راسه يحتوي من هو يحطّه محتوى
ياسر نشاء من كثر ترحيبه ينومس من يجيه
إمعرّب الجدّين والطّاله مهاويها هوى
عزّالله أنّه ماخذٍ من طيب جدّانه وأبيه
طيبٍ يجيب أبشر وينهي ما أقدر ومالك لوى
إمحامي ومطنوخ وسنافي وطحطوح ووجيه
كفوٍ نماريبه وحفله من يريده ماغوى
العود الأزرق كنّه يرحّب ببيضان الوجيه
في حفل شيخٍ لاطرالي قدمي الخطّ استوى
هذا نشاء فلحان راسه ماش راسٍ يعتليه
يجود من طيبه ومرهي فالمواقيف رهوى
كريم سبلا اللّي مايحسب للرّيال وللجنيه
منصى الضّيوف اللّي على الخولان صايبهم خوى
اهديبيٍ وقت المواقف حظّ منهو ينتصيه
عسى فداه اللّي ليّا جات المواقيف التوى
اليّا لقا العود المعتّق ينتقيه ويشتريه
طعام نارٍ تدهر والضّيف مايشكي طوى
للعزّ يالاد المقاطي مجدكم ماله شبيه
اليّا اعتزيتوا يركد الشّيطان ملعون الثّوى
فالوقت الأوّل والّذي صار إبعده واللّي يليه
مقدّم عتيبة لا احتمى الميقاف والعجْ انزوى
حنّا عتيبة والكلام اللّي نقوله نحتميه
هيبة وقوّة ضاربة ماهي على ألعاب القوى
على الفخر والطّيب والنّوماس والعرض النّزيه
تاريخنا يقلّط بصدر المكتبة ممّا حوى
اللّي يماري بالصّحيح إيب الله إيه إيب الله إيه
واللّي كلام بلا فعل ماله لوى ماله لوى
شيلة دق المنبه – خالد ال بريك
Daq Al Munabbih – Khaled Al Buraik
كلمات: عيضه الثبيتي
المزيد من أغاني خالد ال بريك
شيلة الشجاع يموت مره – خالد ال بريك
شيلة القلب الغيور – خالد ال بريك
شيلة والم الفزعة – خالد ال بريك
شيلة تل قلبي – خالد ال بريك
شيلة ما غفا الجفن – خالد ال بريك