كلمات اغنية ضد العالم لعنبه بتعبر عن مشاعر الوحدة والصراع ضد المجتمع وبيتكلم عن الإحساس بالعزلة والناس اللي بقت غريبة وخبيثة. عنبه بيقول إنه مش هيستسلم وهيواجه كل التحديات لوحده وبيأكد إنه مش محتاج حد يواسيه. اغنية ضد العالم بتعكس كمان مشاعر الحزن والغضب من الناس اللي بتبيع وتخون وبتوضح إنه هيكمل طريقه لوحده مهما كانت الصعوبات.
كلمات اغنية ضد العالم عنبه
مش نافع في حاجة
لوحدي ضد العالم
اكني زي آلة
عايش أسوأ حالة
الناس بقت زبالة
الناس بقت غريبة
النفوس خبيثه
والعيون بريئة
أنا مش هقبل استسلم واضيع
أنا من الاول بتعامل غريب
هما يسيبوني وأنا مش بسيب
هما يبيعوني طب ليه مش ببيع
من العالم كله
كله باللي فيه
اللي نفسي فيه
بنفسي هلاقيه
مش محتاج لايد
أو حد يواسيني
لوحدي هروح بعيد
وزي ماتيجي
نفوسكو الانانية
مش هتأثر فيا
مش هكون ضحية
الخلق دي مؤذية
أمي انتي اللي ليا
الدنيا ضاقت بيا
ماتزعليش عليا
هتبقى مية مية
زادت الدموع
طريق مفيهوش رجوع
لما أقع هقوم
أكون أو لا أكون
زودتي في مشاكلي
هتاكلي فيا هاكلك
هو ده اللي عندي
وإذا كان عاجبك
لسه فيا خير
أنا حر زي الطير
مش هتقيديني
روحي شوفي غيري
روحي شوفي غيري
احنا مش لبعض
دايما أنا صعب
صعب زي الرعد
مش هتغيريني
وأنا مليش ذنب
هعيش من غير قلب
الحب ده ابن كلب
اغنية ضد العالم – عنبه
كلمات: عنبه
توزيع: ليل بابا