كلمات اغنية دقيقة ونص من ألبوم احكي لـ حمزة نمرة بتنقلنا لواقع مؤلم عن الفتور في العلاقات، وبتوصف إزاي “الحواجز” بتتبني بين الحبايب لحد ما المكالمات تبقى باهتة ومجرد ثواني من غير روح، رغم وجود الحب والاحتياج للفضفضة اللي تاه وسط السكوت. اغنية بتوجع بصدق تفاصيلها.
كلمات اغنية دقيقة ونص – حمزة نمرة
حصل امتى
بنينا ازاي أنا وأنت
حواجز مُتقنة بشدّة
بنكسر واحدة بنلقى في ضهرها واحدة
ده كان بيننا
حكاوي تِتعِرِض سينما
كلام مابينتهيش عنّا
ودلوقتي بقى آخِرنا يا دوب كلمة
مقابلاتنا بَقِت باهتة
جُمَل ثابتة بتتكرر
بنفس الرِتم والأحداث
ولو زادِت تكون ساكتة
ماهيش صادقة، وبندور على كلام نِمْلى بيه وخلاص
مكالماتنا يا دوب تِبقى
دقيقة ونص مش عارفين نكمّلهم
وده واجعني
وهعمل ايه، ده أنا قلبي
مالوش غيرك ونفسه بس يِطمّن عليك يعني
أكيد صعبة
برغم إن أنت محتاجلي
وعايز يوم تفضفضلي
وحاسس زيي بالمعاناة وبالوِحدة
أكيد فارقة
عشان دايماً بكون نفسي
أقولّك كل ما ف نفسي
وبنحاول كتير لكن مفيش فايدة
مقابلاتنا بَقِت باهتة
جُمَل ثابتة بتتكرر
بنفس الرِتم والأحداث
ولو زادِت تكون ساكتة
ماهيش صادقة، وبندور
على كلام نِمْلى بيه وخلاص
(كورس)
مكالماتنا يا دوب تِبقى
دقيقة ونص مش عارفين نكمّلهم
وده واجعني
وهعمل ايه، ده أنا قلبي
مالوش غيرك ونفسه يِطمّن عليك يعني
مكالماتنا يا دوب تِبقى
دقيقة ونص مش عارفين نكمّلهم
وده واجعني
وهعمل ايه، ده أنا قلبي
مالوش غيرك ونفسه يِطمّن عليك يعني
اغنية دقيقة ونص – حمزة نمرة
Hamza Namira – D2e2a W Nos
كلمات: محمد الشافعي
ألحان: حمزة نمرة
توزيع: حمزة نمرة وجليل يافوز
المزيد من أغاني حمزة نمرة
فيها إن
يا روح
احكي
ومشيت
اهدى