اغنية كورنيش لفريق مسار اجباري بتحكي عن قصة حب جميلة ومؤلمة في نفس الوقت على الكورنيش. الكلمات بتعبر عن إحساس حب مرهف، من حضن البحر لوجع الفراق. اغنية كورنيش بتمس القلب وبتخلينا نفتكر اللحظات الحلوة والمؤلمة في نفس الوقت، عشان البنت اللي جمالها خطف القلوب وبعدين سابتنا نواجه الوحدة.
كلمات اغنية كورنيش مسار اجباري
غنّيت على الكورنيش
ويا محلا موّاله
وحضنتها بشويش
والبحر خد باله
والصبر لقمة عيش
كل اللي يحلاله
والصبر لقمة عيش
كل اللي يحلاله
البنت دي سمرة
وجمالها غطّى الناس
وكإنّها خمرة
والقلب صاحب كاس
دموع الفراق مرّة
أيوه على الإحساس
دموع الفراق مرّة
أيوه على الإحساس
البنت دي غابت
سابتني أموت بشويش
البنت دي سابت
قلبي على الكورنيش
وبقيت أنا ثابت
وحدي بحارب جيش
وبقيت أنا ثابت
وحدي بحارب جيش
حبّيتها من بصّة
أنا قولت مابدهاش
هاتفيد في إيه بصّة
فيه حاجات ماتستنّاش
يا زمن ماتتوصّى
بشويش ماتسرقناش
يازمن ماتتوصّى
دا أنا لسّه ماقولتهاش
البنت دي موجة
وأنا وسط بحر كبير
البنت دي نوجة
وأجمل كمان بكتير
يلعن أبو الحوجة
والبعد والتفكير
يلعن أبو الحوجة
والتوهة والتدوير
البنت دي غابت
سابتني أموت بشويش
البنت دي سابت
قلبي على الكورنيش
وبقيت أنا ثابت
وحدي بحارب جيش
وبقيت أنا ثابت
وحدي بحارب جيش
اغنية كورنيش – مسار اجباري
Massar Egbari – Corniche
كلمات: حازم جمال
الحان: هاني الدقاق
توزيع: عادل حقي
المزيد من أغاني مسار اجباري
كلمات اغنية مابقتش تبان – مسار اجباري
كلمات اغنية في الحب ماليش – مسار اجباري
كلمات اغنية مواويل – مسار اجباري
كلمات اغنية ادها وادود – مسار اجباري
كلمات اغنية بنتكلم – مسار اجباري ومحمود التهامي