كلمات اغنية كوما للرابر المصري شاهين بتعبر عن واقع الحياة الصعب والمليان تحديات وبتحكي عن الصعوبات اللي بنواجهها في حياتنا من مشاكل اقتصادية واجتماعية، وبتوضح ازاي الناس بتتعامل مع الضغوطات دي. شاهين بيستخدم كلمات قوية ومعبرة عشان يوصل رسالته وده بيخلي اغنية كوما تلمس قلوب الناس وتخليهم يفكروا في واقعهم.
كلمات اغنية كوما شاهين
ضابِّيري ضمضم
مابنجيش بكتالوج
ضابِّيري ضمضم
نأبك طِلع علي شونة
ضابِّيري ضمضم
دنيا و عالم جَبَروت
ضابِّيري ضمضم
عايشين ولا دخلنا في كوما
كل الناس مَجاريح
أشكي لمين أنا كله بيصيح
واقع أليم واقع قبيح
مليش فيه أنا فين اللحاليح
ها ها
في فوق في تحت
مفيش مخ في خلية نحل
تمارين عوم في الوحل
مفيش لوم لو كان في نحت
هنا تلاقي حشيش أسهل ما تلاقي الدولار
سعري بيتزايد سولار
لابد في الدُرَّة قناص الفُرَص
أخوك مشكاح فمتقولش دي صُدَف
دمي حامي اتحرق جاب الدُرَف
لساني طويل هتسمع دُرَر
ميعطلنيش مطبات ولا نقر
نجم ساطع إلا حاسب م الاورا
متزوقنيش علي قلة الأدب
ايا كان السبب
مش فارقة معايا مين حمل و مين سند
الاتنين في ضهري و عاملينلي اتب
ماتستغربش ده كله محتمل
القريب و الغريب لا يؤتمن
مبهرجش أنا دافع التمن
مش كل شئ جميل قمر اكتمل
ضابِّيري ضمضم
مابنجيش بكتالوج
ضابِّيري ضمضم
نأبك طِلع علي شونة
ضابِّيري ضمضم
دنيا و عالم جَبَروت
ضابِّيري ضمضم
عايشين ولا دخلنا في كوما
كنا ع الإمم نتسنكح
بقينا ع القمم نتمرجح
كنا بس بنزوم و بنبجح
شارع مين ده كان شبه المدبح
بقينا في تور بنتفسح
تيجي القطط في رجليا وتتمسح
خلاص الأمور بتترستق
وانا لسة برضه عمال اتوه و أسْرَح
نخسر جولة نكسب war
علي الدنيا السلاكاتيه
في الأرض شوك و صبار
فاتعلمنا نمشي ع الحيط
صاحبي الحياة دي أقدار
بتشتكيلي و أنا مالي هه
اعزلني أنا عن الدوشة
و ابعدني عن كل الأضواء ياريت
لوحدي في الحلبة
حر طليق مفيش طوق علي الرقبة
عجباً لا جنازير ولا سِلبة
أنا مش جي الدنيا أجر شكلك أبداً
مش شايف من الدخنة في حرب علنا
و المجرمين بالبدل علي الكنبة
من عند ربك أنا جالي مَلَكة
في قول الحق لساني أجنَّة
اغنية كوما – شاهين
كلمات: شاهين
الحان: نادر سليمان