كلمات اغنية كايرو لحمزة نمرة من ألبوم قرار شخصي بتوصف إحساس الغربة والوحدة وسط الزحمة، وكأنك بتدور على ناس شبهك يشاركوك الفرح والضحكة في قلب القاهرة. الأغنية فيها حنين ودفء، وكلامها كله دعوة إنك تلاقي أصحاب وحبايب يقفوا جنبك في كل وقت.
كلمات اغنية كايرو لحمزة نمرة
يا خسارة همشي معلش همشي
هايصة الحياة ومش عارف حد
بحاول أفرح قبل أما أروح
عمال أدور طول الوقت
على حد شبهي لو حد جنبي
كنت قلبت الدنيا بجد
ده العمر حتّى يحلو حتّة
لو روحت حتّة وليك فيها حد
وأنا ليه أفرح لوحدي أنا ليه
في مكان ما حدّش شبهي أنا فيه
أنا عايز ناس معايا
تقاسمني الفرحة دي
كايرو
حد هنا من كايرو
مش فارقة فين من كايرو
من أي حتّة في كايرو
الحلّ عندي ما أبقاش لوحدي
ويا دنيا مرضي بأي حد
هاتي ناس حياتي دي زي حالاتي
تقف معايا وفي ضهري تسد
هاتي الحبايب أقرب قرايب
وصحاب تهزر وقت الجد
هات حد غالي لو حزن جالي
نضحك على الأحزان مع بعض
وأنا ليه أضحك لوحدي أنا ليه
في مكان ما حدّش شبهي أنا فيه
أنا عايز ناس معايا
تقاسمني الضحكة دي
اغنية كايرو – حمزة نمرة
Hamza Namira – Cairo
كلمات: فليبينو
ألحان: حمزة نمرة – أندريه مينا
توزيع: أندريه مينا
المزيد من أغاني حمزة نمرة
ما بتلافينيش
طال غيابك
بتستخبى
وافتكر
يا سهرانين