كلمات اغنية بخاف لأحمد سعد من مسلسل “سيد الناس” بتعبر عن التغيرات اللي بتحصل للشخص بعد ما يمر بتجارب صعبة في حياته. الأغنية بتوضح كيف إن الحياة والتجارب القاسية بتقدر تغير الإنسان، وتجعله يصبح شخص مختلف عن اللي كان عليه. بأسلوبه الصادق والمعبر، أحمد سعد بيجسد المشاعر المعقدة والتناقضات بين الحنين للطيبة والخوف من القسوة.
كلمات اغنية بخاف لـ أحمد سعد
ما كنت بسيط
وماشي بطيبتي جنب الحيط
ورايق بالي مهما جرى لي
راضي بحالي بس لقيت
في لحظة الدّنيا فاجأتني
وعدّت فوقي هدّتني
وقسّت قلبي خلّتني
واحد تاني ومعرفوش
وفضلت كلّ يوم بتضيّق
لحدّ ما شبّ فيّا حريق
وخلّاني أروح لطريق
عكس إرادتي مختارتوش
فهمت النّاس وألاعيبهم
بطريقيتهم بلاعبهم
ووسطيهم بقيت سيّدهم
بقيت بالقسوة دي حابّني
بخاف منّي على الدّنيا
و بخاف من الدّنيا على قلبي
أنا مش حابّب القسوة
ومش حابّب كمان طيبتي
وبخسر كلّ يوم نفسي
في حرب أغلبها تغلبني
ما بين خوفي وبين يأسي
سنين العمر سرقتني
يا دنيا بطبعها بتغرّ
قتلتي براءتي ساق الشرّ
يا سكّة انا روحتها متضطرّ
يا ذنب في نفسي أنا عملته
مفيش غيري
أنا اللي اتضرّ وعمري ما هرسى يوم على برّ
طبيعي اللي اتسقى بالمرّ
من يومه يموت قلبه
اغنية بخاف – أحمد سعد
Bkhaf – Ahmed Saad
كلمات: محمد شافعي
ألحان: أحمد سعد
توزيع: نادر حمدي
المزيد من أغاني أحمد سعد
كلمات اغنية الحلوة زهرة – أحمد سعد
كلمات اغنية خط أحمر – أحمد سعد
كلمات اغنية سيد الناس – أحمد سعد
كلمات اغنية وش الخير – أحمد سعد ووفاء
كلمات اغنية رايق أوي أحمد سعد إعلان أورنج