كلمات اغنية برواز كبير لدينا حايك بتعبر عن حالة تصالح مع النفس ودلع، وتأكيد إن السعادة وراحة البال أهم من أي حاجة. الكلام فيه رد قوي على الناس اللي واخدة فكرة غلط، وإن الفرح هو اللي لايق عليها ومش مستعدة تضيع وقتها في الزعل أو العكننة.
كلمات اغنية برواز كبير – دينا حايك
أنا عايزة أشكرني وأحييني
أنا شايفاني كبيرة في عيني
أنا بضحك وأفرح وبغنّي
مش فارقالي وعايشة سنيني
أنتيمي الفرح ومصاحبني
ما هو أصل الدلع اللي حاببني
مش بجري ورا سعادتي نهائي
هي اللي تملّي بتجيني
واللي واخد عني صورة مش حلوة
يستنى جبلو برواز كبير
وأنا لو هصفّي في الناس الحلوة
أنا من حياتي همشّي كتير
أنا أكتر حاجة بتشغلني
محبش حد يعكننّي
وبروق لما بفضّي دماغي
من أي حوار بيزعّلني
بحلو ما دام البال رايق
وبحب الجو يكون رايق
الفرح عليّا لايق جداً
والحزن عليّا مش لايق
اغنية برواز كبير – دينا حايك
Dina Hayek | Berwaz Kbir
كلمات: محمد النجار
الحان: محمد يحيى
توزيع: أسامة عبد الهادي
المزيد من أغاني دينا حايك
تعلمت
اصحاب الهمم
ثورة
عم دوب
حطيتك براسي