كلمات اغنية بالسلامة والله يسهله غناء دياب جايه بروح خفيفة ولسان واثق، عن فُراق شخص ما قدرش القيمة. الأغنية بتقولها بصراحة: الباب مفتوح، واللي مش حاسس بينا يمشي. بأسلوب شعبي ساخر ورايق، الكلام كله كرامة ومكانة. لو حبيت تشوف رد فعل راقٍ من غير انكسار، اقرأ كلمات “بالسلامة والله يسهله”.
كلمات اغنية بالسلامة والله يسهله – دياب
اللّي في بعدنا يلقى الرّاحة
الله يديمها عليه
واللّي وجودنا تقيل على قلبه
ياخد الباب في إيديه
لا هنسأله طب إيه كان تاعبه
ولا قصّرنا في إيه
مابقاش عندنا خلق نحايل
حدّ ولا ندادي فيه
مش واقفين على حدّ بعينه
ولا قلبنا مجروح
ألف مين يتمنّى وجودنا
وبالنّسباله طموح
باي باي للّي يفرّط فينا
والباب أهو مفتوح
استمارة ٦ هنيدّله يروح
مطرح ما يروح
بالسّلامة والله يسهّله
ألف بركة إنّها جت منّه
دحنا ع الباب طوابير واقفة
و١٠٠ ع التّليفون بيرنّوا
هو كان يحلم يقابلنا
يروح يبوس إيده ويدعيلنا
زيّنا يلاقي فين في الدّنيا
ده احنا مكسب ليه وخسرنا
اللّي مش هنحسّه شارينا
وراه هنكسر زير
ولا هاتفرّق بينا سفينة
ولا وقعنا في بير
مش غرور منّا ولا تعالي
احنا فعلاً غير
واللّي يعرف غيرنا مسيره
يشوف الفرق كبير
احنا غاليين ع اللّي قيمتنا
عارفها أوي وعزاز
واللّي يمسك فينا يا بخته
بالسّعد والهنا فاز
احنا نتاقل بطيبتنا
باللّولي والألماظ
واللّي ما نملاش عينه براحته
هو اللّي عينه إزاز
بالسّلامة والله يسهّله
ألف بركة إنّها جت منّه
دحنا ع الباب طوابير واقفة
و١٠٠ ع التّليفون بيرنّوا
هو كان يحلم يقابلنا
يروح يبوس إيده ويدعيلنا
زيّنا يلاقي فين في الدّنيا
ده احنا مكسب ليه وخسرنا
اغنية بالسلامة والله يسهله – دياب
Diab – Bel Salama W Allah Yashalo
كلمات: عمرو قطب
الحان: حسين زكريا
توزيع: رامي نوار
المزيد من أغاني لـ دياب
إيه إيه
ولعانة
رقصة الوداع
حلال حلال
موقف