كلمات اغنية بلاقيك علي بالي للفنانة آيه عبد الرؤوف، بتوصف حالة الحب اللي بيصحى كل صباح مع فتح العيون، وبتحكي عن الامتنان للحبيب اللي فهم السكوت ورجع الضحكة بعد التوهة. الكلمات عبارة عن تقدير للشخص الأقرب والأنسب اللي خلاها تحب حياتها ونفسها من جديد، في مشاعر رومانسية بتعبر عن الأمان والسند الحقيقي.
كلمات اغنية بلاقيك علي بالي – آيه عبد الرؤوف
من أوّل ما بفَتّح عيني بلاقيك على بالي
وكإنّ مشاعري بتصحى معايا ويمكن قبلي
بحتاجلك أوي وفيه حاجة بجَدّ معاك حصلالي
عمري ما حسيتها بتحصل أوّل ما تقَرّبلي
ولأوّل مرّة بسببك أنت أحِبّ حياتي
وأحِسّ بإنّ أنا حَبّيت نفسي وحاسّة بذاتي
أنت اللى بتفهم معنى كلامي ومعنى سكاتي
وأنت من العالم كُلّه الأقرب والأنسب لي
بَحمِد رَبّنا على كل دقيقة أنا شايفاك فيها
وبقيت لو غبت ثواني بحِسّ بروحي سابتني
يا أماني وسندي يا فرحة هَدِتني الأيّام بيها
أنا كنت ف توهة ومَدّيت ليا إيديك لحقتني
ولأوّل مرّة بسببك أنت أحِبّ حياتي
وأحِسّ بإنّ أنا حَبّيت نفسي وحاسّة بذاتي
أنت اللى بتفهم معنى كلامي ومعنى سكاتي
وأنت اللى ف حضنك رجعتلي الضحكة وصالحتني
اغنية بلاقيك علي بالي – آيه عبد الرؤوف
Aya Abd Elraoof – Bala’eek Ala Bali
كلمات: محمد جابر
ألحان: كامل الجندي
توزيع: عمر الإمام
المزيد من أغاني آيه عبد الرؤوف
أنا بايعاك
بصالح نفسي
بنحت في الصخر
الله على شهامته
قراري الاخير