كلمات اغنية بكرر حياتي غناء احمد مشعل بتعبر عن الإحساس بالوحدة واليأس والتحديات اللي الواحد بيمر بيها، وبتوصف معاناة الواحد ومحاولاته المستمرة إنه يتغلب على كل المشاكل والصعوبات ويستمر في الحياة. اغنية احمد مشعل بكرر حياتي بتعكس مشاعر الحزن والأمل في نفس الوقت، وبتدي إحساس إن فيه أمل إن الأمور تتحسن رغم كل التعب.
كلمات اغنية بكرر حياتي احمد مشعل
برغم وسع الكرة الأرضيَّة
حاسس إن الدُّنيا بتضيق عليَّا
غلبت أحارب الطَّاقة السَّلبيَّة
حرب بيني وبين أمراضي النَّفسيَّة
تعبت أقول ده صُحبي وحبيبي
تعبت أقول ده قدَري ونصيبي
مع إنِّي يعني راضي ب اللي ف جيبي
شقيان والحمد لله مرضيَّة
بكرِّر حياتي ف مشهد حزين
كئيبة الحياة مرَّة مُر السِّنين
وكل أما بطلع يادوب خطوتين بنزل
بحس إنِّي ميِّت مفيش أوكسوچين
ف أوضة غريبة والقلب حزين
وبسأل يا أمِّي إمتى الحال ده يعني يتبدَّل
ومش فاهم ليه أيَّامي مؤذية
بقيت تايه إيه والعيشة مش هيَّ
ومش شايف ليه حد فضَّل جمبي
بقيت شايل ليه ليه ف ذنب مش ذنبي
الوضع صعب بس أنا مكمِّل
باجي على نفسي ياما وبستحمِّل
بقول فترة مسيرها تتعدَّل
بلقي نفسي برضو برجع م الأول
غريب وسط خلق مش منِّي
خلق مش حابِّينني خلق كارهينني
وكإنِّي كل يوم أنا بعجز
شعري أبيض يابا رغم صغر سنِّي
بكرِّر حياتي ف مشهد حزين
كئيبة الحياة مرَّة مُر السِّنين
وكل أما بطلع يادوب خطوتين بنزل
بحس إنِّي ميِّت مفيش أوكسوچين
ف أوضة غريبة والقلب حزين
وبسأل يا أمِّي إمتى الحال ده يعني يتبدَّل
والله أنا إنسان بعاني م الطيبة
مالاقي أي أمان ولا بعمل العيبة
ومستنِّي ف يوم أحوالي تتغيَّر
ومش عارف ليه الدُّنيا دي غريبة
اغنية بكرر حياتي – احمد مشعل
Bakarar 7ayate – Ahmed Mashal
كلمات: احمد مشعل
توزيع: ايكا مزيكا
المزيد من أغاني احمد مشعل
كلمات اغنية كل يوم – احمد مشعل
كلمات اغنية متقوليش حبايب – احمد مشعل
كلمات اغنية حبايب مين – احمد مشعل
كلمات اغنية جبل واقف – احمد مشعل