كلمات اغنية بضحك للفنانة جودى الليبيه بتعبر عن حالة غريبة ممكن نمر بيها، وهي لما الضحك بيبقى وسيلة نخبي بيها الوجع اللي جوانا. الأغنية فيها شجن وحزن، بتوصف إحساس فقدان القدرة على الشعور من كتر المواقف الصعبة. يلا نقرا كلماتها اللي بتلمس القلب.
كلمات اغنية بضحك – جودى الليبيه
ومن كتر اللّي جوايا بقيت بضحك
على نفسي عشان نفسي غلبانة
بقيت بضحك على كلّ اللّي بيضحّك
وحتّى في وقت حزني بضحك
من اللّي جوايا
مبقتش بستغرب على الأيام
ويومي بيعدّي بسرعة ويجري أوام
وكلّ يوم بقابل ناس وأعيش حكايات
يسيبوا الدنيا ويجرحوني أنا بالذات
مبقتش بتأثّر من الأحداث
وشكلي خلاص بقيت معدوم من الإحساس
ولا فرحة بتأثّر فيّا ولا أحزان
ولا مين فاكرني ولا مين نسيني خلاص
غريب يا قلبي وسط ناسك والحبايب
دول مش حبايب ده سمّهم زي العقارب
دول غيّروني وشقلبولي بجدّ حالي
خلّوني حدّ تاني أنا حدّ تاني
أنا كلّ يوم ببكي وأصعب عليّا
كان في زمان إنسان وعايش لسّه فيّا
أنا كنت ببكي لمّا أشوف عيون بتبكي
دلوقتي بضحك لو يموت قصاد عينيّا
مبقتش بستغرب على الأيام
ويومي بيعدّي بسرعة ويجري أوام
وكلّ يوم بقابل ناس وأعيش حكايات
يسيبوا الدنيا ويجرحوني أنا بالذات
مبقتش بتأثّر من الأحداث
وشكلي خلاص بقيت معدوم من الإحساس
ولا فرحة بتأثّر فيّا ولا أحزان
ولا مين فاكرني ولا مين نسيني خلاص
اغنية بضحك – جودى الليبيه
Gody Ellibya – Bad7k
كلمات والحان: جودي الليبيه
توزيع: مانو برودكشن
المزيد من أغاني جودى الليبيه
تجرح قلبي ليه
يا حيط داريني
آه يا قلبي
ريدك
حبيبي ازيك طمني عليك