اغنية باب الجدعنة دويتو بين أحمد شيبة ومروة نصر وعنبة، ميلانه طاقة وتمرد. الكلمات كلها عتاب وسخرية من ناس غدرت أو نافقت، مع رسالة واضحة: اللي ما يستاهلش مالوش مكان في حياتنا. أسلوبها يخليها قريبة من المستمع وتشد الجو. وهذه كلمات أغنية باب الجدعنة مكتوبة وكاملة.
كلمات اغنية باب الجدعنة
بَطَّلنا نفكَّر في الناس اللي علينا مش باقين
بَطَّلنا نشوف وحشين إحنا ما بنشوفش غير الحلوين
بَطَّلنا ونسيناهم من المُنقِّي سمعناهم
وما عادناش عايزين في حياتنا ناس لخيرنا كارهين
خَدت جَنب لمّا شوفت الغَدر مَشهد الخيانة جوَّه كَدر
حاولوا يِخدعوني قُلت: لا.. العيون دي بجحة عاوزة كَسر
عامَلت كُلّه برجولة وكُلّه باعني بسهولة
فاكرني لِسَّه سنة أُولى ما جوش في سِكّة معدولة
قَفَّلنا باب الجَدعَنة وهي دي موضة السَّنة
ده اللي باعنا اتنصب عليه ويلا بالشفا والهَنا
قَفَّلنا باب الطَبطَبة خلاص قَطَّعنا الكهربا
يقولولي نِمسك في ناس على النَدالة متدرِّبة
لا مش واقفين على واحد واللي يروح هنسيبه يروح
لو عايز تِمشي اتفضَّل يلا حبيبي الباب مفتوح
مش فارق مين هيفارِق ولا عايزين ناس بتنافِق
لا عنينا بتبكي عليهم ولا قلبنا والله مجروح
اشتَريت دِماغي أنا كَسبت آخَّروني قُمت ماشي وسيبت
إنتو في الخباثة على التِرند زي ما شوفت منكم اتعاملت
الذَنب كُله كان ذنبي عامَلت كُله من قلبي
ما لَقِيتش حد يِسَمِّي ما حدِّش يوم وقَف جنبي
قَفَّلنا باب الجَدعَنة وهي دي موضة السَّنة
ده اللي باعنا اتنصب عليه ويلا بالشفا والهَنا
قَفَّلنا باب الطَبطَبة خلاص قَطَّعنا الكهربا
يقولولي نِمسك في ناس على النَدالة متدرِّبة
اغنية باب الجدعنة
Bab Al Gad’ana – Ahmed Sheba, Marwa Nasr, and Enaba
كلمات: حازم إكس
ألحان: إسلام مونتي
توزيع: كولبيكس بوي
المزيد من أغاني أحمد شيبه
بقول لاء
أنا والشيطان
كان كان
يا دنيا
أنا مش تمام