كلمات اغنية بقول لاء لأحمد شيبه، برعاية صندوق مكافحة وعلاج الإدمان، بتوصل رسالة توعية قوية عن مخاطر المخدرات وإزاي ممكن تدمر حياة ناس كتير وتسبب كوارث على الطرق. الأغنية فيها عتاب ونصيحة لكل واحد يفكر في الطريق الغلط، وكلامها صريح وقريب من القلب.
لو بتدور على كلمات اغنية بقول لاء كاملة ومكتوبة، هنا هتلاقي كل الكلام اللي غناه أحمد شيبه، اقرأها وخد منها العبرة.
كلمات اغنية بقول لاء أحمد شيبه
قدّام مرايتك بصّ بصّة وشوف ملامحك
هتلاقي حد حزين ومش قادر يسامحك
وبتأذي جنبك ناس كتير وبتأذي نفسك
وبلاش غرور ده في ناس كتير تقدر تساعدك
فتّح عينيك علشان بجد السكّة صعبة
أرواح كتير بتروح وناس فاكراها لعبة
دي الدنيا زي طريق وسكّة وكلّه ماشي
ماتسيبش نفسك للغلط وتقول تعبنا
بقول لاء على أي حاجة يا ناس غلط
بقول لاء وبلاش نكابر في الغلط
بننام ونصحى نقوم نلاقي بجد كارثة
وسببها غلطة علشان فيه ناس على الكيف بترسى
قلوب كتير موجوعة على ناس روحها فيها
وناس ضحيّة ناس وكمان سايقة فيها
والعند واخد عقلكوا مسيطر عليكوا
نفسك دي غالية لازم بجد تخاف عليها
حتّى الضمير مبقاش خلاص جوّة في قلوبكوا
والصحّة تاج حتّى العلاج مبقاش هاممكوا
ارجع وفوق ده طريق خطر وبلاش تعاند
ده فيه ناس كتير ربّك باعتها تاخد بايدكوا
بقول لاء على أي حاجة يا ناس غلط
بقول لاء وبلاش نكابر في الغلط
بننام ونصحى نقوم نلاقي بجد كارثة
وسببها غلطة علشان فيه ناس على الكيف بترسى
بقول لاء على حاجة تضرّنا
بقول لاء على واحد ضدّنا
ده شيطان سايقكوا بجد وبيضحك عليكوا
والكيف واخدكوا في سكّة ومغمّض عينيكوا
اغنية بقول لاء – أحمد شيبه
Ba2ol l2 – Ahmed Sheba
كلمات وألحان: خالد سلطان
المزيد من أغاني أحمد شيبه
أنا والشيطان
كان كان
يا دنيا
أنا مش تمام
طيرو يلا طيرو