كلمات اغنية بإيدك شيل لـ أماني سمير فيها نبرة وجع وكرامة طالعة من قلب موجوع قرر ينتصر لنفسه. تحكي عن خيبة في حب أناني، وعن لحظة وعي بعد تعب وانتظار سنين. الكلام واقعي وقوي، يعكس تحول من الضعف للقوة ومن الحب للنسيان. لو حابب تقرأ كلمات بإيدك شيل مكتوبة وكاملة، تابع السطور الجاية.
كلمات اغنية بإيدك شيل – أماني سمير
ماكنتش نفسي وأنا ويّاك وآهو بقيتك
خسرت كتير علشان على نفسي بقيتك
غلطت في حقّي وأنا دلوقتي بكسبني
كرهتك قدّ ما أنا من قلبي حبّيتك
ماصدّقتش كلام اتقال وجه عنّك
ماجاش على بالي أعاشرك وأكتشف إنّك
أناني غرام حرام أغلط كمان مرّة
بخاف عليك أهي بتتقال بخاف منك
بإيدك شيل مكانك ده اللّي جوايا
ماهو التّمثيل ده لازم يبقى له نهاية
وحشتك إيه؟
يا شيخ ما تقول كلام غير ده
دي ماحصلتش في عزّ ما كنت ويّايا
ماحبّتنيش لكن حبّيت بقى حبّي
أنا هختارني حتّى لو التّمن قلبي
هتمشي تقول من اللّي هيجرى ليك محسود
لكن ما تخافشي دي مش عين
ده فيك ذنبي
سنين بصبر وأقول طيّب وأعدّيلك
ماخدتش حاجة لكنّي عشت بديلك
وكنت بموت معاك ولقيتني في غيابك
بعيش أحسن وأنا دلوقتي من غيرك
اغنية بإيدك شيل – أماني سمير
Amany Samir – B Eidak Sheel
كلمات: أحمد إبراهيم
ألحان: هاماني
توزيع: حسام حمدي