كلمات اغنية عايش وحيد غناء بازوكا الأردني، بتحكي عن شخص يشعر أنه ذاق القسوة والخذلان من كل اللي وثق فيهم، وبتوصف إزاي تركته الناس عند الشدة وبعد ضياع الفلوس، وبتكشف إزاي قرر يبتعد عن المزيفين ويكتفي بوحدة اختارها بنفسه.
كلمات اغنية عايش وحيد – بازوكا الأردني
طول الحياة شارب قسى من أيّ حدّ عرفته أنا
ده الكلّ باعني بالرخيص والضيقة بتبين
مليون سلام على اللّي خان العشرة قدّام ربنا
دول جرحوا قلبي وجرحهم جامد مهوش هيّن
مرّيت أنا بأصعب ظروف وما حد شالني في شدّتي
كلّه خلع كلّه مشي وأفضلت أنا وحدي
ورضيت بجرحي وكنت أنا عايش في حضن وحدتي
شكراً يا دنيا عرفت مين فيكي اللّي كان سندي
بس كلّه عارف اللّي ليه والحساب هيجمع اللّي فات
لو في بينكو راجل اشتريه مهما كان في سعره ألوفات
كان منايا أحكي وأشتكي بس قلبي من سوادكو مات
لما كان معايا كلّه كان جنبي كلّه راسم الحنان
عشت فاكر إن ليّا ضهر كنت مدّي ليكم الأمان
بس لما راحت الفلوس كلّه راح معاها كلّه بان
الناس خلاص مبقتش ناس وكلّه على قلبي داس
والغلطة كانت غلطتي إنّي مأمّنهم
الصحبة جابتني ورا وخدت درس لكن خلاص
أنا فُقت واتعلّمت وابعدت خلاص عنهم
عايش وحيد لكن سعيد أحسن ما كون بين غدّارين
كلّ اللّي خان قلبي زمان رميته ورا ضهري
عمري ما أكرّر غلطتي وأرجع وأحنّ لتعابين
دا الحبّ راح والكلّ بيمصلح ومش دوغري
عمري كلّه ضاع وكلّه راح
عشت طول حياتي في الجراح
لما تبقى وسط ناس كتير
تيجي لحظة تلقى كلّه ساح
خلّوا قلبي والله مش بخير
لأ وإيه بيطلبو السماح
لما ربّي فكّ ضيقتي عنّي
والحياة هتحلى رجعوا تاني
قالوا كنّا غلطانين معاك
قلبك أبيض أنت مش أناني
قلت بعد إيه خلاص منا
حدّ تاني غير الأوّلياني
لساني أنا طيّب ولسه جوّا قلبي خير كتير
بس الحياة ادّيتني درس وفُقت أنا لنفسي
طيّب لكن للطيّبين اللّي قلوبهم فيها خير
يا دنيا بكفاية ألم وكفاية بقى تقسي
الغدّارين هكون معاهم حدّ تاني قلبه مات
راح اللّي كان طيّب زمان ياللّي جرحتوني
الدنيا بتلفّ أوام كلّ اللّي فات بقى ذكريات
والله لأوزّع عذاب على اللّي باعوني
ياللّي وسط ناس كتير ولمّة
أوعى تفهم إنّهم حبايبك
ممكن إنّ شخص يبقى جنبك
وحده بسّ يملى كلّ قلبك
مش بكترة اللّي جنب منك
يكفي شخص بسّ يبقى حبّك
اغنية عايش وحيد – بازوكا الأردني
Ayesh Waheed – Bazooka Al Ordoni
كلمات: حمدين
توزيع: حمدين
المزيد من أغاني بازوكا الأردني
وجع الفراق – بازوكا الأردني
أنا غلطان – بازوكا الأردني