كلمات شيلة أسياد الفخر أداء خالد آل بريك تمثل اعتزاز عميق بأصل الرجولة ومكانة القبيلة، بكلمات جزلة وأسلوب يرفع الراس. الشيلة تسرد الكبرياء، وتعكس قوة الرجال اللي ما يهزهم وقت، واللي يلزمهم الفعل قبل القول.
في كل بيت رسالة فخر، وفي كل شطر تنقال قصة عز. شيلة أسياد الفخر تمثل هيبة المواقف وسند الطيبين.
كلمات شيلة أسياد الفخر – خالد ال بريك
بين تقليب المواجع وتأثير الرسوم
والظروف اللّي تبي صبر مع قوة عزم
أتقلّب وأتعرّض لواهيب السموم
كنّي أطا لي على شوك سمرٍ في حزم
وإن تمادى حظٍ أسود مثل ظلع الجموم
يالله بحظٍ يجي مثل وجه المتلزم
لا تلحقني وأنا أبوك يوم أغيب لوم
أنطح وجيه المواجيب وأعزم وأنعزم
يا بناخي سيف أنا سيف ربعي فاللزوم
أعرض بسيفك وأنا أبوك وأطنخ وأحتزم
الفخر معطيك من مصدره كلّ الختوم
واسم جدانك ليا شافه الطايش بزم
لا تراكي غير بيض الكواكب والنجوم
طاول أطول ظلع ويصير في جنبك قزم
دون ربعي ما تريحت لو قيل مخدوم
أترك اللّي يوعد ويحلف ولا ينلزم
ربعي أسياد الفخر كلّ ليل وكلّ يوم
من غلاهم كلّ واحد ولد عمّي لزم
من طناختنا عن الكلمة الهزلة نشوم
تعترض فالدرب ونحطّها تحت الجزم
ويوم كان الوقت مافيه معطى ومحروم
القوي يقلط صدر والضعيف ينخزم
قسمنا من فضل ربّي من خيار القسوم
نضرب بسيفٍ ما يرحم وشلفاً ما تزم
خلّ عاد اليوم والدار محمي ومحكوم
بالرخا والأمن في ظلّ سلمان الحزم
والمواقف بين روس الرياجيل القروم
ما تقاس بروس الأموال شيكات ورزم
يا ولد عايض تبجّح عسى أفراحك تدوم
كلّنا ربعك وعندك نرحب وأنعزم
أنت ذخر الشايب اللّي معلّمك السلوم
مستحيل أنّك لطيش الجهالة تنهزم
عايض اللّي دايم اسمه مقدّر ومحشوم
لا تقدّم ما تعذّر وإذا واعد جزم
الكرم منهاجه ومنهج إخوانه عموم
من وفاهم كلّ واحد فالآخر محتزم
حيّ صيت عيال شعوي قويّين العزوم
عودٍ يعشق الصعايب ويكزمها كزم
تحت الأرض وسمعته باقية فوق الغيوم
يعتبر للحين عايش ويذبح ويعزم
أغنية أسياد الفخر – خالد ال بريك
Asyad Al Fakhr – Khaled Al Braik
كلمات: عناد الشيباني
المزيد من شيلات خالد ال بريك
ساعة الشدة
درب المفارق
ليل أغسطس
طول الهجر
علاج الصدور