كلمات اغنية اشتيها اشتيها غناء البلوجر الأميرة فيروز، بتوصف أجواء الشتاء بطريقة مرحة وخفيفة، حيث تدعو الناس للدفء والأكل والضحك وسط البرد والمطر، وتقدم نصائح بسيطة للتعامل مع الجو البارد، لينتهي الأثر بإحساس بالدفء والبهجة وروح المشاركة في أيام الشتاء.
كلمات اغنية اشتيها اشتيها – الأميرة فيروز
نداء عاجل للسقعانين
يلّا بقى طلّعوا البطاطين
كلّه يلبس لبس تقيل يلّا
وإحنا تحت لحافنا أهو نايمين
نطفي بقى من تاني التكييف
إحنا كدا ف الشتا مش ف الصيف
السحاب بيغيّم أهو بتشتّي
والهوا ده بقى جامد ومخيف
يلّا بينا بقى نغطس غطس
كلّه ياكل حلّة عدس
واللي يعطس نبعد عنّو
شكلو كدا بقى واخد برد
وإحنا من البرد بنتوتر
أصلو ف الشتا أجمد وأكتر
مش فارقلو كبير وصغيّر
بيكون عند أيّ حدّ
اشتيها اشتيها
والبط يعوم فيها
لو ماشي ف الشارع وبتشتّي
يبقى راسك غطيها
اشتيها اشتيها
والبط يعوم فيها
لو ماشي ف الشارع وبتشتّي
واوعى تتكهرب من العواميد
امشي عدل وبلاش تخبيط
وامشي على مهلك بقى أحسنلك
امشي عالهادي بلاش تنطيط
وابقى تقّل حبّة ف الهدوم
مش تتقّل يوم وتنسى يوم
ده الشتا طويل لسه بدري يا بني
وإحنا كدا ف الشارع هنعوم
كلّه ده ف رجلو اللكلوك
لسعة الشتا زيّ الشوك
والجوّنتي مدفّي إيديك
مع واحد سحلب هتروق
حلبة سخنة تكون ف رغيف
تدفى وكأنّك ف الصيف
كلّه عالوضع المتظبّط
كلّه كدا مظبوط وظريف
اشتيها اشتيها
والبط يعوم فيها
لو ماشي ف الشارع وبتشتّي
يبقى راسك غطيها
اشتيها اشتيها
والبط يعوم فيها
لو ماشي ف الشارع وبتشتّي
اغنية اشتيها اشتيها – الأميرة فيروز
Ashtiha Ashtiha – Al Amira Fairouz
كلمات وألحان: كاستلو
توزيع: ماندو العالمي
المزيد من أغاني الأميرة فيروز
خد مني الوردة يا بيه
ساعدوني
كلمة ماما
جوه الأوضة دخل فار