كلمات شيلة انسام الهبايب لخالد ال بريك تعبر عن الحنين لحياة البر والأجواء الشتوية الممطرة بعيداً عن التكلف. الشيلة تجمع بين الفخر بالقبيلة ووصف الإبل والشجاعة، في أبيات شعرية تصور حياة البادية والرجولة وتتغنى بالأمجاد والتقاليد العريقة بأسلوب حماسي. إليكم هذه الأبيات المميزة.
كلمات شيلة انسام الهبايب – خالد ال بريك
هبّت أنسام الهبايب وأنا راعي هباب
وأظهرت خافي ضميري بدون مقدّمة
المطر والنار والبنّ الأشقر والضباب
تلهم اللي ما التفت في عيون الملهمة
وش تساوي ريحة الكيف مع ريح الخضاب
في يمين اللي ورا بشت أبوها مكرّمة
ما يقنّد راسي إلا معاميل الزهاب
قد تعبنا من نزيف الجروح المؤلمة
راح وجهٍ ما يزيّن حياه إلا الحجاب
وانكسر قلبٍ من الشوق قد راح فحمة
ويش عذر المسلم اللي لعب فيه الغياب
غير جرحٍ ما سلم من غياب المسلمة
آه يا طيش المجانين وأيام الشباب
مير دونه حكم دولة وقاضي محكمة
يالله بليلٍ يقضّ المسايل والشعاب
والرعد ما بين لجّة وحنّة ورزمة
في مرابي فاطرٍ ما يعذربها العياب
لا خطفها الصوت جاتك شليل ودرهمة
عوّضتني عن عذاب المراهيف العذاب
وأبعدتني عن طروق الغيا والسلهمة
كل ما صدّيت معها تماكنت الصواب
قبل لا يصعب علاجه ويصعب مرهمه
أتعزّب مع طرفها لا زاد ولا شراب
غير “درّن” ياخذ سبوع ما ضاع طعمه
مير لا من جات دعوة عزيزٍ الجناب
يرجع الشاعر لحبره وفكره وقلمه
يا حضن من قمّة النير أخذ ردّ الكتاب
واطرق أبواب الملاحم وسطّر ملحمة
رزّها في القمّة اللي يعانقها السحاب
وخلّها بيضاً تدفّ الليال المظلمة
في حجا فروخ القرانيس وفروخ العقاب
وأشهبٍ دوبه من الجوع يرتدّ أنسمه
لا قلّطنا يابس الصيد في حلوق الذياب
وإن هرجنا يجفل الذيب ويسكّر فمه
سمّ يا عايض سلايل مروّين الحراب
واستلم ترسانة الأدهم اللي بشحمه
خلّ وجه الليل يقدح مثل قدح الشهاب
لين من قطم العباريد ياخذ مقسمه
إنت ذخر اللي على اسمه يساقن الركاب
غازي اللي ما تلوّى على عرق رخمة
ما وراه إلا المجوّخ ومصقول النصاب
عزوةٍ بالسيف الأملح تقصّ الجمجمة
شايبٍ في واجب البل تغرّب لين شاب
خلّ شاويٍ على الدرب يحتاش غنمه
ما يوالي غير سودٍ مورّشعها الصهاب
لا قبلت كنّ أشهب القاع غاشيه ظلمة
لا شمّلت من يمّ فيحان لاهاك التراب
ولا جنّبت بين المشاقيق وعبال سحمة
ما توهّق في الحضارة وتصوير السناب
ولا وقف قدم المراية يعدّل مرزمه
يضرب الدار الخليّة عتش وإلا صلاب
ويتوسّد بندقه ويتلحّف محزمه
من تعنّز في رجا ما رجا غير الثواب
لابةٍ حازت من المجد ناره وعلمه
وكلّ قاتولة نهار المقاتل ما يهاب
يرجع لساسه وساس القواتيل دهمة
الحمايا عندهم في خطا ولاّ صواب
يلزم الرّجال وجهه ودمّه ولحمه
والبقوم أهل المكارم مطوّعة الصعاب
الفعول مدسّمة والصحون مدسّمة
يرعبون اللي من الطيش ما يحسب حساب
والمفوّه في نحاهم يجي فيه طرمة
ضربهم في أهل الطرابيش سوطٍ من عذاب
ما يبي في معجم “الترك” شرح وترجمة
هم سهوم الموت ما هم سهوم الاكتتاب
لا احتمى الميقاف كلٍّ يورّد بسهمه
اغنية انسام الهبايب – خالد ال بريك
Ansam Al Habayeb – Khaled Al Braik
كلمات: سلطان الحويقل
المزيد من شيلات خالد ال بريك
طرف الليل
اصعب قرار
سرا ليلي
الأنفاس الأخيرة
يطبخ راسه