كلمات اغنية أنا للرابر أبيوسف بتنقل حالة واحد واعي لنفسه ولتعبه، بيحكي عن دموعه اللي ما تنشفش وهو لوحده، وتعب السنين وتغير النظرة بعد الأربعين، بين هدوء يحبه، وعلاقات يفلترها، ومسؤولية تقيلة تشغّل دماغه طول الوقت، لحد ما يعلن بثقة: أنا بابا.
كلمات اغنية أنا – أبيوسف
راجل فا دموعي ما بتشافش
وأنا لواحدي بتبقى دموعي ما بتنشفش
واخد كلّ حاجة قفش
صعب بعد الـ 40 يكون منظورك ما اختلفش
أيوة اتغيّرت خلقي اتضيّق
معادش عندي طاقة لتّ
واخد كلّ حاجة زقّ
الواقع قاسي يسطا دي السلحفة طلعت ما بتسبقش
علّمتوني ما اتكلّمش سيبها سطحي
مش كلّ حدّ أعرفه يبقى صاحبي
مش مع كلّ صاحب ليّا ببقى براحتي
محناش في للعيد مش لازم أصحى
الهدوء جميل
لو بتحبّيني ما تناميش
لو ع العقد عندي كتير
مبحبّش نفسي بس بحبّ ناس كتير
الحلو ما يكملش
بس أشطة عندي فانز
لو على بجدّ أنا بحبّ أبويا بس
الحمد لله على كلّ ده
شغّلت الكتل واستنّيت الميّة تسخن
صيدكو كلكو بيبقى في ميّة العكرة
الحوار ده مش هيموت عشان ده فكرة
كلّه بينافقني لمّا بيغرق
شغّلت دماغي واستنّيت فلوس تيجي
مش بسامح حتّى لو هتبوس إيدي
قلبي الصراحة ملوش.. ملوش فيكي
ما تسأليش.. الفراق مفهوش سيري
عايز أبقى أوضح أنا ليه بكون مبهم
نفسي أسافر بس الغرض يبقى نزهة
تسألني أغلى حاجة عندك إيه هقولّك أمّك
هتقولّلي نفسك في إيه هقول أشوفها
شغّلت تراكي واستنّيت أقول حاجة
قالولي كتير إن أنا مش بقول حاجة
بس ده مفيد عشان لمّا آجي أقول حاجة
بتقول أخيراً يسطا أهه بيقول حاجة
شغّلت دماغكو من الريموت اللي في الصالة
مبنامش كويّس عشان مسؤوليّتي الطارة
بحوّد يمين شمال وأوصّلنا بجدارة
أنا بابا
اغنية أنا – أبيوسف
Ana – Abyusif
كلمات وتوزيع: أبيوسف
المزيد من أغاني أبيوسف
بأذي نفسي
بتاعتي
هستريا
ريبليكا
رضا