اغنية امشي وسيبهم لحمو القماش بتحكي عن وجع الخيانة من أقرب الناس، وبتوصف إزاي اللي كنت بتديهم أمانك طلعوا هم السبب في جرحك. الكلمات بتتكلم بوضوح عن إن الحل الوحيد هو تسيبهم وتمشي، لأن اللي ما يقدركش ما يستاهلش وجودك. إحساسها شعبي، يوجع بس يقوي في نفس اللحظة.
كلمات اغنية امشي وسيبهم
إنت لوحدك عادي هتقدر
هما وجودهم أصلا أخطر
إوعى تقرّب منهم تاني
دورك إنت لازم تتغيّر
النفسيّة دي شايلة سواد
عمر حياتك ما هتتعاد
اللي يفوت عمره ما هيرجع
إنت الكسبان لو فيه بعاد
امشي وسيبهم دول وجعوك ياما أذوك
كنت فاكرهم بيحبوك يا قلبي قتلوك
إوعى تآمن وتسيب نفسك
دول ظلموك ياما باعوك
كنت معاهم أقرب ليهم من بعضيهم
كنت تخاف مية مرّة عليهم وبتحميهم
عمرك ضاع كله علشانهم
وفي الآخر هونت عليهم
إوعى تبص وراك لأ سيبهم
خليهم عايشين مع عيبهم
مهما هتعمل ليهم برضه
عمرك أصلا ما هتعجبهم
ما تخلّيش قلبك يتأثّر
كله بيقلب وبيتغيّر
ياخدوك من نفسك وتلاقي
كلك على بعضك متكسّر
امشي وسيبهم دول وجعوك ياما أذوك
كنت فاكرهم بيحبوك يا قلبي قتلوك
إوعى تآمن وتسيب نفسك
دول ظلموك ياما باعوك
كنت معاهم أقرب ليهم من بعضيهم
كنت تخاف مية مرّة عليهم وبتحميهم
عمرك ضاع كله علشانهم
وفي الآخر هونت عليهم
اغنية امشي وسيبهم – حمو القماش
Hamo Elqmash – Amshy W Sebhom
كلمات: خالد الشعراوي
توزيع: سيدو