اغنية عاملين حلوين لمحمد رأفت دي بالظبط عن الناس اللي بتعمل حبايب وفي الآخر بيطلعوا أي كلام. اغنية دراما شعبية واقعية جدا، وكلامها كله تلقيح صريح. أكيد كلنا قابلنا ناس زي دي. عشان كده جبتلكم كلمات اغنية عاملين حلوين مكتوبة وكاملة للي عايز يقرأها.
كلمات اغنية عاملين حلوين – محمد رأفت
سلّملي على اللّي كانوا
عاملين حلوين وبانوا
وف وقت الجدّ خانوا وباعونا
صبّحلي على اللّي ياما
قولنا عليهم حبايب
وف يوم ما احتاجنا ليهم خذلونا
أنتوا النّحس اللّي جالنا
شقلبلنا فجأة حالنا
بختنا الأغبر سحلنا وحدفكوا
على حسّنا علّيناكوا
مسلمناش من أذاكوا
قبلنا كان مين أساساً يعرفكوا
بُعدكوا نعمة بصراحة
ف غيابكوا ارتاحنا راحة
ده خروجكم من حياتنا جميل على راسنا
ما بتوحشوناش وعادي
والبال من غيركوا هادي
وف يوم ما خلصنا منكوا قمنا رقصنا
عملولنا بحور طحينة
ويادوب نمنا وصحينا
لقيناهم غدروا بينا واتخلّوا
طيبة مين بطّلنا طيبة
مع ناس بقلوب غريبة
مهما بنعمل معاهم بيقلّوا
اغنية عاملين حلوين – محمد رأفت
MOHAMED RAAFAT – AMLEEN 7ELWEEN
كلمات: إبراهيم محمد
الحان: محمد رأفت
توزيع: أحمد صبور