كلمات اغنية الطير أداء مودي العربي، بتوصف روح ما تشتريها الفلوس وشايفة الجحيم على الأرض، بس كل ما ينكسر الجناح يرجع ينبت ريش. بتحكي عن نهوض زي طائر الفينيق، سقوط وقيام ومعجزات تنقذه وهو غريق، وعزلة بتعيده لنفسه. اقرأ الكلمات كاملة وافهم المعنى.
كلمات اغنية الطير – مودي العربي
كلّ شي بينشرا بفلوس عندي مالو قيمة رخيص
والعتب ع قدّ المحبّة لهيك العتب قليل
وجهنّم شفتها عالأرض بِنحِرق كلّ يوم لَعِيش
كلّ ما كسّرولي جناحي بتعافى لينبت ريش
محترف نفض الركام كأنّي طائر الفينيق
وبأمّن بالمعجزات كلّ ما بسقط بالخريف
عم صادف معجزات عالشاطئ كنت غريق
والعنقاء للسندباد والشاطر حسن عميق
خارقين
جوّاتي وأنا بمثلث برمودا من المحيط
سويعاتي قضيتها جوّا بالأوضة عم عِيد
كلّ سقطة بشريطي بشوفها بإعادة عالبطيء
والفيلم ما كان يخلص والكذب حبل طويل
واخترت ما تكون شمسي بكرا عتمتي بتمحيك
مارست عليك سحري وتعبت حتّى أخفيك
لك ظفرك ما حكّ بجلدي طفّيتني حتّى ضويك
من بعدا حبّيت تمشي.. طب يلّا الله يقوّيك
والألفة بترفع الكلفة والساقية تعكّر بحر
والحلق بحاجة جفّة والحمم أمّ الصخر
والعالم كلّه بكفّة وأمّي برّات الميزان
شايفني بملامح حادّة عم إدبل متل الزهر
مع إنّه جنازته حامية لكنّه الميّت كلب
والجنّة بلاكي انداست بنعشي إلك ذنب
والقصّة ما كانت إلّا إنّه فيكي بختلي
والحكي إلك يا جارة لا تقوليلي ما سِمعِت
والدارس غلب الفارس أنا فارس بَدَرّسن
كلّ حدا مشاعره شايقة عندي خيط وبَدَرزن
والحابل غرق بالنابل كلّ ما بقول حَ أكتفي
بلتقي بأوسخ واعة لا تسأل كيف بلبسن
والواطي طلع ع كتافي لسّه واطي لو عِلي
والبحر ما عاد دافي عم إغرق أنا وقبطان
والسكّافي مانه حافي والحايك ما عاد عري
والدواء إذا بيشافي عالوجع هاد الخرمان
أنا الطير
يلّي غاب رجع قام ما حَيصيبك
أنا الطير
مع أصحابه ولا خاب كان ديبك
أنا الطير
كشفنا بقصر قاف سايقينا
أنا الطير
ياما عاشوا وأنتو هلّا عايشينا
السلام بيجرّ كلام والكلام بيزتّ حكي
والميّت لي حامل ميّت مانه قادر يشتكي
والعيرة طلعت بتدفّي وإجري مو ع قدّ لحاف
والغريب مع ابن عمّي حتّى الخدعة تنطلي
يا غايب ما عندك حجّة أنت بدّك تختفي
لو غريق لَتمسك قشّة تقبل موتك واكتفي
وقدّ ما عشقتك يا سوارتي حتضلّي يا إيدي أبدى
والحيّة لسّه بوكرها مع إنّه لساني حلي
الله ما بيعطي الحلاوة لَحدا ما عنده سنان
والحسب مع الطراوة يبليكم بقصّ لسان
ونظر عيني ما مات إلّا يلّي ما استحوا
صحّله خشب الجوز بس مانه بمَكنة زان
يلّي ما انكتب ع جبين عيني قدرة تلمحه
وإذا صاحبي كان خاروف جاي العيد وبذبحُه
كان ماله قدّامي سايب وما علّمني عالسرقة
حتّى لو عداوته زادت صعب إنّي أفضحه
والمحظوظ إذا غطّاس بيرجع حامل السمك
والمنحوس بيضلّ منحوس قدّ ما زتّوله الشبكة
والهريبة لو تلتين فالمراجل مو إلك
والعصفور إذا مطرِب تِفلِته وبيرجع إلك
يا ترى ممكن يِخلى من عظامه بيت السبع
للأسف أذيتني برو كان حَينشف النبع
كيف إجت منك غريب ما توقّعتا من قريب
عدّيتك أخي الكبير يا ريتك ما خاويت
والضرب إجا عالمقتل بس ربّك لَطف معي
والنيّة لـ الله صافية ما كرهت لأنّه خير
خفّني الشغف شويّ بس زوّد عندي السعي
وعمره لَشقي بَقي لو مشي بعكسه السير
يا ريته ما مات جدّي كان قنّع بعقلي الطير
الشجر لي فيه زيتون طول عمره بينزّل خير
والدقّة لي متل نجوم بتزيّني يا سما
ورح تسألني مين أنا؟
أنا الطير
أنا الطير
يلّي غاب رجع قام ما حَيصيبك
أنا الطير
مع أصحابه ولا خاب كان ديبك
أنا الطير
كشفنا بقصر قاف سايقينا
أنا الطير
ياما عاشوا وأنتو هلّا عايشينا
اغنية الطير – مودي العربي
Moody Al Araby – ALTAIR
كلمات: غير معروف
ألحان: غير معروف
توزيع: غير معروف
المزيد من أغاني مودي العربي
كارما
يا ناصر
حريقة
حكي كتير مودي