كلمات اغنية قلب الأسد غناء الرابر حسين بتنقلنا لشخص واثق في نفسه لأقصى حد، بيتحدى الدنيا وأي حد في العالم، شايف نفسه “قلب أسد في جسم إنسان”، ما يعرفش الخوف، كلمته ما يرجعش فيها، يواجه الحقد والاستهانة بقوة ويشوف خصومه غلابة ومساكين.
كلمات اغنية قلب الأسد – حسين
بقولها مرّة مش بتنّيها
مبقولش حاجة وأرجع فيها قدّام
بتحدّى الدنيا باللي فيها
أنا بتحدّى أي حد في العالم
أونلي وان ومفيش نُسَخ بعديها
قلب الأسد بس في جسم إنسان
كلمة خوف أنا لاغيها
إوعوا حد يكون فاكرني غلبان
أرفع أي حد أكّني رامي
عايش في فيلم أكشن مش درامي
على السيناريو كاتب اسمي ماضي
هنا ستوب بُقّك دوس فرامل
متجيش على السكّة لا تتشال
تشوفني جاي خد يمينك
شِدّ لحاف اتغطّى ونام
بتمنّالكوا أحلام سعيدة
ببتديها وأنا بس اللي أنهيها
كارو كاني في التفكير
أكِشّ الملك بالوزير
بنصب للحيّة خيّة وأستناها وأفعصها في طريقي
صيّاد أفاعي في الكلام بعمل هندي
بسمع كلام بيتقال عنّي في سيرتي
كل اللي اتقال عنّي اتقال عنّي في غيبتي
قدّامي بتخافوا ومحدّش بيواجهني
ولا عتاب على المريض
أعراض الحقد مدمّراهم
غلابة يابا ومساكين
وتقول عليهم يا حرام
نُقَط ضعف كتير
وحكايتكوا على الله
ألف لا بأس
محدّش فيكوا عنده القلب ينافسني
بقولها مرّة مش بتنّيها
مبقولش حاجة وأرجع فيها قدّام
بتحدّى الدنيا باللي فيها
أنا بتحدّى أي حد في العالم
أونلي وان ومفيش نُسَخ بعديها
قلب الأسد بس في جسم إنسان
كلمة خوف أنا لاغيها
إوعوا حد يكون فاكرني غلبان
وهي طايرة بلقطها بالنظر
أحمد زكي في البيضة والحجر
هلعب بيكم الكورة بدماغي
اسمي دانچر وأبويا اسمه خطر
الفولت عالي فوق الڤيري
بحب أخّمّس على الدائري
عشان قادر بعفي مش بفتري
بس اطلبني عادي
آي أم ريدي
وهثبتلك إن أنت وقعت مع حانوتي
مش شخص عادي مش من نوع الإنسان
إن شاء الله تكونوا اتنين مليون وأنا بطولي
دِبّ طَخّ اتنين مليون واحد مات
إيّاك تفكّر في اللي أقوله ده تشكّك
اسأل عنّي دوس كونفيرم واتأكّد
زي الريّس جنب اسمي متسجّل
الكلمة اللي أقولها إجباري تتنفّذ
بقولها مرّة مش بتنّيها
مبقولش حاجة وأرجع فيها قدّام
بتحدّى الدنيا باللي فيها
أنا بتحدّى أي حد في العالم
أونلي وان ومفيش نُسَخ بعديها
قلب الأسد بس في جسم إنسان
كلمة خوف أنا لاغيها
إوعوا حد يكون فاكرني غلبان
اغنية قلب الأسد – حسين
HUSAYN – Alb El Asad
كلمات: حسين
ألحان: حسين
توزيع: إس إتش كي
المزيد من أغاني – حسين
هو انتي القمر ولا ايه
لا لا لا لا لا لا لا