كلمات شيلة الوسم لنياف تركي بتحكي قصة شعرية عن موسم المطر والخير. بيصور الشاعر جمال الطبيعة وقت الوسم، وبيربط بين مشاعره وذكرياته مع تغير الفصول. أغنية الوسم بتجمع بين وصف المطر والإبل والصحراء، وبتعبر عن حكمة الحياة وتقلباتها.
كلمات شيلة الوسم – نياف تركي
يـا أم سالم خافي الله على القلب السقيم
ترفعين الصوت ويجاذبش نوح الحمام
لا تحسبيني من الوقت والدنيا سليم
والله إن قلبي من اللي وزى فيني حطام
جيت زابن فهجريه أبنسى كل ضيم
ثم لقيتيني بصوتش عسى حالش عدام
جعل نون ناض برقه وليله به نسيم
كن تشعشاعه ورا النو ثاير به لغام
مع دخول الوسم غادٍ لشعبانه وشيم
ريض ودان خمسين ليلٍ بالتمام
مع دخول الوسم يسقي ديار أبناء عجيم
من ورا صلب هجريه وشرقيه وشام
يدرج مبهل من السيل يقتش الهشيم
من كسر عباد تشرب طويلات العظام
لين يسلا خاطرٍ حل بطرافه حثيم
من غياب اللي بعدها على الدنيا سلام
يا فهد مشكاي وأنا تبلاني اليتيم
اليتيم اللي قبل عام لثم باللثام
غشمري عاتقه عاتق البكر الرزيم
كل ما دفلج ولدها تعديها الجهام
شبه وضح عوبليه لها ساسٍ مقيم
ربعت ساقان عقب الصفاري في جهام
لين قامت تردم الني من فضل الكريم
والشحم جاي له احجوز من تحت السنام
كن تسنادت لحيها مركب فيه سيم
تشرب الماء إن جابه الله من بطون الغمام
لوحت اللي يرفع الصوت جالت تقل ريم
ذيروها أهل البواريد عجلين الولام
كل ما زاع الدبش سربت كنها غريم
تنفض الجندوب كن حذفها حذف النعام
يوم ضاق الريع فالطرش جات لها صريم
ترتبع تو العشاير مطيشها الكلام
عند صمل راح عمره يحسبونه عقيم
عنده أن السوم والبيع فالهزعا حرام
كل حول اتحيل ما تقرّب الزمل الحشيم
ما يبي ينقض بها الحال ملعون الرسام
كل يومينٍ تبدل على روض ونعيم
تحت دبرت شامريٍ ما يمشي بالنظام
صاملٍ مصلاح لا هو ضعيف ولا غشيم
فيه شر وفيه خير ويضيم ولا يضام
جعل يسقى يوم ذكري مع الناس العديم
قبل تلزمني المشاغل ويلزمني الدوام
كنت أحسب أن الليالي عوافيها تديم
ما هقيت أنها مقافي ولله الدوام
شيلة الوسم – نياف تركي
Al Wasm – Nayaf Turki
كلمات: عبدالله بصيص ال شامر