كلمات شيلة السويبع أداء هادي بن جابر بتحكي عن واحد عاشق للبر والطير والقرانيس، يتكلم عن لذة لفح النود وطلوع سهيل وبرد الليالي، ويربط حبه لأصحابه وحبه للطير الأشقر والهجن برغبة قلبه يعيش الحياة لحين يوقف قدام ربه وحسابه.
كلمات شيلة السويبع – هادي بن جابر
يقولون خلّ الطير ما عاد منه فود
وأنا أقول خلوني مع كل هبّابي
أنا ما يوسّع خاطري كون لفح النود
ومبدا طويلٍ للقرانيس مرقابي
إلى بان نجم سهيل والبرد تم يزود
وشيف السويبع والوسامي على النابي
ليالي المعابير الله يعودها للعود
وشوف القنيف اللي به البرق لعّابي
وإلى أبطيت من شوف المواليف يا عبود
ترى القلب يمتهم ولو طال معزابي
أنا أحبهم حبي لعزام ولا زود
وعزام حبه للبراري تنحى بي
ترى الطير يسهي عن كحيل العيون السود
إلى فرّعوا به في مساييل وأشعابي
خطوات أشقرٍ مطروح بأرضٍ مجيّه كود
مع ثقل روزه للصقاقير جذّابي
مطاليعه أدناها من الكيلوين وزود
طويل الموامي عاتقه عاتق الدابي
ما ينلام راعي الطير واللي يحب الذود
إلى سجّ من حيّه مع كل حنزابي
وشناحٍ ما هي تضوّي على واحدٍ مقرود
يضوّونها في المرح عكفان الأشنابي
وهجنٍ سواة الصيد إلى أقفى من البارود
غلاها وحب الطير الأشقر تنحى بي
هذي رغبتي ما دامني يا علي ماجود
ولا بد من يومٍ أوافي به حسابي
رجانا وأملنا فيك يا الواحد المعبود
إلهٍ كريمٍ يقبل العبد لا تابي
شيلة السويبع – هادي بن جابر
Al Swaibea – Hadi Bin Jaber
كلمات: راشد بن جرحب
المزيد من أغاني هادي بن جابر
ماطر الشوق
صدوق المشاعر
جل شأنك
يامودي
يا لطيف الروح