كلمات شيلة الرياح المرسلة أداء الجفراني بتدخلنا فوراً في أجواء المرجلة وعز القبايل، وبترسم صورة فخر واعتزاز بمجد قبيلة مطير وسط ميادين التحدي والمنافسة، كلمات كلها قوة وحماس بتأكد إن الفوز ماله غير أهله اللي يستحقونه دايماً وبيتسابقوا له زي الريح.
كلمات شيلة الرياح المرسلة – الجفراني
سوّ لي فنجال دلّة وعجّل يا فلاح
الله الله والقصيدة تجيك مزرفلة
اترك اللي كنّ قلبه على خفّ وجناح
وانحر اللي يدحم طويق ويقول ازهله
لا تصدّق بارق الصيف يوم البرق لاح
أغلب الشعار شعرٍ بليّا مرجلة
كم لي أحطّ القصيدة على خشم السلاح
يوم شفت المشكلة فوق راس المشكلة
عرّضوني يا بني عمّي السمّ الذحاح
ونطّحوني مارد الموت وأشرب منهله
دونكم حيّ المنية وحيّاً للفلاح
الله أكبر واليدين القصار مكبّلة
ذاخرٍ لي مجد قومٍ توشّح بالوشاح
عزّهم بالمجد ربّ الفلق والزلزلة
لابةٍ دون المرابيع والصفرا الشناح
فوق سرد الخيل مثل الرياح المرسلة
سلمهم حذف الجماجم على روس الرماح
وازهم الرجال بالاسم لين تجندله
خيّل الصفرا أحمر العين قوّة وابتجاح
لحدٍ يجهل علينا ويقتله اجهله
دون حقّ مطير ما فيه عذر ولا سماح
استريحوا ما نبا صوت ولا بلبلة
ما حضرنا غير بالنادر الهزعا الطفاح
من معامق بوشنا اللي تعرفون اجمله
تحت حكم مطير ربعي متيّهت الطياح
الرفيق ندلّهه والخصيم نجفله
يا زعل عرّض هل الصفر فالحزم البراح
ونوّخ اللي ودّه يطيش من كثر ازعله
حطّهم فالصالة اللي ورا صيهد رماح
وحطّ دون الباب قفل وكلبش وسلسلة
ما نبا نعفي منافس ولا نطلق سراح
الدروب مقفّلة والكشوف مسجّلة
جابهم ربّي على الوقت والدنيا كفاح
بشّر الصيهد بيومٍ مثل يوم جبلة
صفرنا ما تارد إلا على العدّ القراح
زفّها للفوز وأشعل بها الشوط اشعله
خلّها تاطى على الأرض وتدكّ الفياح
إنت حرٍ جمّل مطير والله جمّله
نخبةٍ تجرح هل الصفر وتزيد الجراح
كلّ ما حان التنافس وجات محوّلة
كلبوها نسق واحد على صحّ وصحاح
اتهزّع من رهاوه وتمشي بإعجله
يا أهل الخمسين والليل يقفاه الصباح
فوز ما من فوز كلٍ يعوّد لأهله
قدمكم نارٍ تلضّى وراسٍ ما استراح
من زمان العام ينذر وجهده يبذله
هوّنوا فالشوط كلّه وصلّوا فالمراح
ما يجيب الأوّلة غير راع الأوّلة
شيلة الرياح المرسلة – الجفراني
Al Riyah Al Mursalah – Al Jafrani
كلمات: مشاري محمد الديحاني
توزيع: تون لايف
المزيد من شيلات الجفراني
مفخره
العاصوف
قحطان العربية
السلامة دوروها
قبايل حرب