كلمات شيلة الجواب لفلاح المسردي فيها وجع وصدق واضح، وتحكي عن أسئلة الناس عن الحزن اللي في القلب. الشيلة كلها كلام عن الذكريات والهموم اللي صعب تتقال، وإحساس واحد تعب من الدنيا وما لقى للسعادة طريق. لو حابب تقرأ كلمات اغنية الجواب مكتوبة وكاملة، ستجدها هنا.
كلمات شيلة الجواب – فلاح المسردي
السّؤال اللّي يجيني كلّ يوم وكلّ مرّه
يا فلّاح أشفيك يا خي كلّ شيلاتك حزينه
في عيونك دمعه توجع بها مليون حرّه
تخفي أسرارٍ من اللّوعه ورى صدرك دفينه
والجواب اللّي يبونه في قفص صدري مقرّه
من زمان فات تغشاه المودّه والسّكينه
لا بغيت أشرّه وقرّرت آتشرّه ما أتشرّه
وإن لزمت الصّمت عن بعض الكلام أكبر غبينه
ما ورى شكواي للعالم من جروحي مسرّه
وإن شكيت اللّي أحسّه للعرب ما هي بزينه
ما يبكي كلّ حرّ وما يبكي كلّ حرّه
غير شي يرخص الغالي ويجتاح الثّمينه
الزّمان الشّين ما افتكيت من لومه وشرّه
فرحتي عنده مقيّدها وجاعلها رهينه
والله أنّي من كثر ما ذقت من دنياي مرّه
أكره الشّاهي مع السّكّر ونعناع المدينه
حالتي في هالزّمن للحين ما هي مستقرّه
والسّعاده تايهه للحين ما بيني وبينه
شيلة الجواب – فلاح المسردي
Al-Jawab – Falah Almesrdi
كلمات والحان: فلاح المسردي
المزيد من شيلات فلاح المسردي
كلمات شيلة يا مليحة – فلاح المسردي
كلمات شيلة لا تمدح النفس – فلاح المسردي
كلمات شيلة وقفة أخوان – فلاح المسردي
كلمات شيلة تكفى كفاية – فلاح المسردي
كلمات شيلة يا حبيبي يا حلو – فلاح المسردي