كلمات شيلة احفظي قلبي غناء فايز الدوسري، تحكي عن تأثير الشتاء على العاشق واشتعال الذكريات، وتوصف سيطرة المحبوبة على قلبه رغم قسوته، وتناقش تسليمه لها كأمانة غالية، وتركز على فخره بأصله البدوي وشجاعة صديقه الوفي. الشيلة فيها وصف لحب بدوي صادق.
كلمات شيلة احفظي قلبي – فايز الدوسري
الشتاء يؤثر على العاشق يثير أشجانه
كل ليلة ذكرياته تقلط وتجتاح
الظروف اللي تحده ما يجي خلانه
والسهر يحرق خفوقه لين سدّه باح
الحطب فالنار لامن مرّني دخانه
ما يشابه ريحه إلا عطرك الفواح
أستحسّ الهاجس اللي حرّكه شيطانه
ساقني طاري هواك السارق المزّاح
القصيد إليا بغيته ضامنٍ قيفانه
مثل ما أضمن في يميني لعبة المسباح
هاجسي وسط السماء لا فرد بجنحانه
كل بيتٍ جزل وسمي فوق خدّه لاح
اطنخي تدلّلي يا فاتنة يا دانة
في بحور الشعر أنا لعيونها سبّاح
قلبي اللي في ضلوعي قافلٍ بيبانه
خانني حامي حماه وسلّم المفتاح
صار صدري مملكة وأنتي لها سلطانة
كل شيءٍ ما قبلته صار معك إباح
إيه قاسي مير لا طرّوا له اسم فلانة
يرجع الطفل الصغير وخاطرك مرتاح
والله إنّي ما نسيت عيونك النعسانة
الشفايف لون توت وخدّها تفاح
لك حجاجٍ مثل رمح الفارس بميدانه
من يصيبه فالضحايا والله إنّه راح
خصرها اللي ناحته ربٍ تعالى شانه
جسمها والله ما يقدر يرسمه جرّاح
ناعمة وعروقها في يدينها رويانة
خضر مثل أغصان وردٍ رشّها الفلاح
أنتي اللي في التغنج والدلع فنّانة
والتغنج لا اجتمع مع زينها ذبّاح
ثمّني حب المحب اللي يجنّ جنانه
كل ما يفقد خيالك دمع عينه طاح
حافظٍ حبك ولكن ما ينقص شانه
المكابر والمعاند فالغرام أشباح
احفظي قلبي تراه اليوم معك أمانة
عاشقك حافظ غلاك ولا هوب مزّاح
أبدويٍ فالحياة أسلوبي وعنوانه
سلم جدي والخشونة والصلاة سلاح
الفخر لا جا مجاله عزوتي تيجانه
عزوتي حزمان ربعي مكسب المدّاح
أفتخر روقي حماوي لا عقد حجانه
عين حرٍ حقّق الصيدة على الملواح
الزمن ما همّني لو كشّر بنيبانه
الحياة أصلاً صبر ومغامرة وكفاح
لي حزامٍ فزعته تسبق كلام لسانه
كل همٍ لا ذكرته فالضمير انزاح
يا فهد لك سمعةٍ بين العرب رنّانة
واضحة ما هي تبي تضخيم ولا إيضاح
حيّ راسٍ بشجاعة هامته مليانة
له فعولٍ تتعب الكتاب والمسّاح
تعرف الطيب لا شفت أهل الردى عدوانه
والكريم اللي عطا يوم العدود شحاح
لو طلب دمي عطيته قلبي بشريانه
يا عسى أيامه سرور ومفخرة وأفراح
قالها اللي داريٍ بأنّ اللسان حصانه
ويدري أنّ الحرّ ما يشهر بدون جناح
شيلة احفظي قلبي – فايز الدوسري
Fayez Aldosri – Ahfadi Galbi
كلمات: محمد بن منصور العتيبي
توزيع: أيمن مخاوي
المزيد من شيلات فايز الدوسري
نجد وهواها – فايز الدوسري
منوة الروح لـ فايز الدوسري
عديم الوصايف لـ فايز الدوسري
ياخوان لـ فايز الدوسري
اغلى ثلاث لـ فايز الدوسري