كلمات مهرجان أبو الروقان لسادات العالمي والباور العالي وموسى سام هتدخلك جو الشارع المصري بكل جنانه وحركاته. المهرجان ده مليان طاقة وثقة، وكلام عن الصحاب والجدعنة والهيمنة على أي مكان. لو نفسك تعيش أجواء الراب والمهرجانات وتقرأ كلمات المهرجان كاملة مكتوبة، هنا هتلاقي كل كلمة من كلمات أبو الروقان بتشعل الحماس وتخليك فوق المود.
كلمات مهرجان أبو الروقان
الجيزة قاهره إسماعيليّه
الباور العالي وموسي والسّادات
فوق يابو الرّوقان
طابخين مزيكا جنان
تظبط النّفوخ تعدّل المزاج مصدر إزعاج
على وضعنا أي حاجا هنا دي تخصّنا اسمع يلّا
مين قدّنا الشّارع بتاعنا والمجال بأسمنا
وش الخصم عاوز خدلو خبطه عاوز بنطتين لحام
هنا باور عالي والسّادات وموسى سام
لمّا نتجمّع ننزل نحتلّ أي مكان
أصحا للكلام جينا كلّو نام
إحنا جينا ف الحضور كلّو جاب ورا
مين اللّي قلبو جايبو يلّا ننزل جوله يلّا
جوّه دماغي عفاريت فيها مجزره
والصّحاب بقت تتلّت علي ورا
قول يا موس صحبي أنا فوق السّحاب
ماشي ع القمر أنا مايكل جاكسون
بنحي السّلام للسّلام فوقلي يا أبو الرّوقان
كلّها فوتوشوب كلّها بالحبّ
كلّها بلاستيك لمّا تشدّ الإستيك
كلّها بتمثّل كلّها بتحكّ
حواراتكو هلس صحبي دماغكو فيستك
صحبي أنا فوق السّحاب طاير أنا بالبساط
موسى الباور العالي هنا وسادات
إحنا في أقوي ليڤيل هنا يا شباب
أنا جاي أقطّع الوشوش اظبط نفسك يا حرفوش
كلامي دا ما بعيدوش هضربك محدّش هيحوش
هو إيه اللّي جرا العيال متخطّره
اسمي يرعب أي خصم بيفرمل ويجيب ورا
هقلب وشي بفترا إحنا الشّغلانه يا عمّنا
اسند ضهرك بس ريّح اللّي جاي يخصّنا
نقدر عليكو لو كنتو كتير
شلّتنا مافيهاش حدّ عويل
إحنا التّمام والصّحه بخير
قابلو اللّي جاي دا لسّه كتير
سكوت سمع هوس
خد بس بوص هيزيع وارقص وارصّ
بالحبّ ع اللّوب مسمعش حسّ يابابا دا إحنا التّوب
الواد بينطّ رافع توت مش هتسدّ ولا تصدّ هاجي عليك أحطّ
اوعي تعمل توت فروت مش لايق علي ترافيسكوت
أنا ماسك في إيدي قنبلة فلوس عندي دي مش مشكله
هسألك شويّه أسأله تسمحلي حبّه أنا هسحلك
هضرب المسمار بالشّاكوش لو سألوني هقول ماشوفتوش
هضرب محدّش هيحوش كلّو صحبي بقا هنا هنا مخشوش
مهرجان أبو الروقان
Abu El Rawa’an – Mousa Sam & Sadat El Alamy & El Power El Ali
كلمات: تايسون والسادات العالمي وموسى
توزيع: موزا
المزيد من أغاني سادات العالمي
رد فعل هيا مش حرب
مشاكل مشاكل
انا جيت على نفسي