كلمات شيلة ابتداء الموسم أداء صالح ال مانعه من الشيلات الجزلة اللي تمجد الطبيعة والبر وأجواء المطر والوسم. الشيلة تمزج بين الفخر باللهجة البدوية ووصف المطر والبر والسعادة بقدوم الموسم، بكلمات تنبض عزة وحنين. هنا تقدر تقرأ كلماتها وتستشعر عبير الأرض بعد المطر.
كلمات شيلة ابتداء الموسم – صالح ال مانعه
حوّلت شمس العصير وقوّست قوس الرّبابه
ساعةٍ فيها الشّلي يصفّق من الضّيقة يدينه
عاشها ما كنّه إلّا اللّي خذوا ذوده نهابه
عقب ما قفّت بـ هيبة قوّة عظامه سنينه
ولا فراغ إلّا فراغ القلب من هدي الصّحابه
ولا متاع إلّا متاع مفارق إزعاج المدينه
وسلوة الخاطر ومفتاح العلاج من الكآبه
سجّةٍ ما هي تحت مشاغل الدّنيا رهينة
لا ابتدا الوسمي ونوض البرق متمثني حقابه
وكنّ مجاهيم السّحايب قلب حمّال الضّغينه
واستهلّ الماطر اللّي يشغل أرصاد الرّقابه
منفتق مزنٍ تزبّر بين برّاقه وبينه
يروي القاع المزون وتلبس عشوبه ثيابه
وراعي النّاقة وراعي الطّير لا تنشدْه وينه
سلّ روحه مثل سلّ السّيف الأملح من جرابه
بعد ما كانت ورا القيض ولواهيبه سجينه
وانتهض ما كنّه إلّا شايبٍ عوّد شبابه
يوم سجّ الحال من جوّ الزّبارة لا العوينة
وبين مشذوبة ورفحا والخشيبّي واللهابه
سلوةٍ تشفي القلوب اللّي من اللّوعة حزينة
وراعي البل وين ما هلّت مزابير السّحابه
ساقها ولا يحسب للعمر زينه وشينه
ما مشى إلّا في مفالي نبت خدٍّ ودّها به
تشبع ابه أمّ الحوير لين ما تقطع حنينه
البل البلّ .. عزّ صيت ، وعزّ جاه ، وعزّ لابة
عانها الطّيّب وهي في حزّة الواجب تعينه
له بياض الوجه فوق الأجر لا سبّل ركابه
ومن سمان لحومها وألبانها تندا يمينه
وبين راعي الطّير والنّاقة على الطّربة تشابه
وبرّها عنده مثل برّ السّنافي والدّينه
وراعي الطّير الوحش يتعب ولا يحسب حسابه
للحرار اللّي تقول المال يبغي من يهينه
وتلّ قلبه نادرٍ يلبس على عينه قطابه
يطمع الطّاروح فيه ويلفت الصّقّار زينه
أشقرٍ ماخذ من أصحاب السّمّو قدر ومهابه
ومتعدّي راسه الكاشف شبر من منكبينه
كنّه إمامٍ عليه العمّة البيضا عصابة
اعتلى المنبر محامي عن ولاة أمره ودينه
ما تمالو في الهداد إلّا وصقّاره بدا به
والصّقاقير اللّي مخالي عليهم .. محترينه
متهقوين المخالا .. مثل متهقوي سرابه
شافها وأقفى وراها لين مات من الغبينة
كلّ ما هدّه على جول الحباري ضحك نابه
وهدّ هدّة فارسٍ ردّ الأعادي من زبينه
وحوّل اللّي في السّما لو يلحقه غيره .. غدا به
خربٍ تسوقه عزومه من ورا ملهم للّينه
ولا أقفّت الشّارد ما عالج كلّ صقّار التهابه
كون شاهينٍ قبل يِطرح متعّب طارحينه
هاجرٍ عشّه سوات اللّي على دمّه طلابه
وقاطع السّاحل ما جت به طايرة ولا سفينة
أقرعٍ صملته في وجهه ، وفي كفّه عذابه
أفجحٍ مناكبه رووس المراهيف السّنينة
لا وقف فوق الحصاة وقرّب راعيّه درا به
انحنا حنيّة ركوع مصلّيٍ ذاق السّكينة
والولع راعيه من يوم البراد يفكّ بابه
ما يشوف السّجة إلّا في رضا الخاطر ثمينة
استوت عنده من السّاعات ساعة الاستجابة
لا أشبحت صوب المشاهي عقب حرّ الصّيف عينه
شيلة ابتداء الموسم – صالح ال مانعه
Saleh Bin Man3h | Abtda’a Al Mawsim
كلمات: احمد بن سلطان ال عمار الدوسري
الحان: صالح ال مانعه
توزيع: استوديو تون لايف
المزيد من أغاني صالح ال مانعه
ذاكرة لأيام
الجمر والشوك
ابن رملي
تسعة رموز
انوح عامين